కోలీవుడ్ పరిశ్రమలో తీవ్ర విషాదం చోటు చేసుకుంది. ప్రముఖ నటుడు డేనియల్ బాలాజీ(48) కన్నుమూశారు. శుక్రవారం అర్థరాత్రి చెన్నైలోని ఓ ప్రైవేట్ ఆసుపత్రిలో గుండెపోటుతో మృతిచెందినట్లు వైద్యులు తెలిపారు. దీంతో ఆయన మృతి పట్ల సినీ ప్రముఖులు సంతాపం వ్యక్తం చేస్తూ పార్థివదేహానికి నివాళులు అర్పించారు. మరోవైపు చనిపోయి కూడా డేనియల్(Daniel Balaji) మంచి మనసు చాటుకున్నారు. తన రెండు కళ్లను దానం చేశారు.
కాగా ప్రొడక్షన్ మేనేజర్‌గా కెరీర్ ప్రారంభించిన ఆయన పలు సీరియల్స్‌లో నటించాడు. దర్శకుడు గౌతమ్ మీనన్ దర్శకత్వంలో వచ్చిన ‘కాక్క కాక్క’, ‘వెట్టైయాడు వెలైయాడు’చిత్రాల్లో నటించి గుర్తింపు తెచ్చుకున్నారు. ఇక తెలుగులోనూ సాంబ, ఘర్షణ, చిరుత, సాహసం శ్వాసగా సాగిపో, టక్ జగదీశ్’ చిత్రాల్లో Daniel Balaji నటించాడు. తమిళ్, తెలుగు, మలయాళ, కన్నడ భాషల్లో 50కి పైగా చిత్రాల్లో తన నటనతో ప్రేక్షకులను అలరించాడు.
 కన్నుమూశారు.){kind=link}