ఆంధ్రప్రదేశ్ విద్యాశాఖ మంత్రి నారా లోకేష్(Nara Lokesh)ను సినీ నటుడు మంచు విష్ణు(Manchu Vishnu) శనివారం మర్యాదపూర్వకంగా కలిశారు. వారిద్దరూ పలు అంశాలపై చర్చించుకున్నారు. ఈ విషయాన్ని విష్ణు తన సోషల్ మీడియా వేదికగా అభిమానులతో పంచుకున్నారు. లోకేష్ పాజిటివ్ ఎనర్జీని చూసి ఆశ్చర్యపోయానంటూ విష్ణు కొనియాడారు. ‘‘మై బ్రదర్.. ఏపీ విద్యాశాఖ మంత్రి లోకేష్‌ను ఈరోజు కలిశాను. అతనితో అనేక అంశాలపై చర్చించాను. ఈ చర్చలు చాలా ఫలదాయకంగా ముందుకు సాగాయి. ఆయన పాజిటివ్ ఎనర్జీ నిజంగా అద్భుతం. మీరు మరెన్నో విజయాలు అందుకోవాలని కోరుకుంటున్నా’’ అని మంచు విష్ణు పోస్ట్ పెట్టాడు.
ఇదిలా ఉంటే మంచు విష్ణు ప్రస్తుతం ‘కన్నప్ప(Kannappa)’ సినిమాతో ఫుల్ బిజీగా ఉన్నారు. ప్రస్తుతం ఆ సినిమా పోస్ట్ ప్రొడక్షన్ పనులు జరుగుతున్నాయని సమాచారం. తన డ్రీమ్ ప్రాజెక్ట్‌గా ఈ సినిమాను తెరకెక్కిస్తున్నాడు విష్ణు(Manchu Vishnu). ఈ సినిమాకు మహాభారత్ సీరియల్ డైరెక్టర్ ముఖేష్ కుమార్ దర్శకత్వం వహిస్తున్నాడు. దూర్జటి రాసిన శ్రీకాళహస్తీస్వర మహత్యంలోని కన్నప్ప చరిత్రను స్ఫూర్తిగా తీసుకుని సినిమాగా రూపొందిస్తున్నారు. ఈ మూవీ వచ్చే ఏడాది ఏప్రిల్ 25న విడుదల కానుంది.
