సింహా’, ‘లెజెండ్’ తర్వాత బోయపాటి- బాలయ్య కాంబోలో వచ్చిన హ్యాట్రిక్ సినిమా ‘అఖండ’. డిసెంబర్ 2న రిలీజైన ఈ సినిమా బాక్సాఫీసు వద్ద కాసుల వర్షం కురిపించింది. విదేశాల్లోనూ అఖండ అదరగొట్టింది. బాలయ్య కెరీర్ లో అఖండ చిత్రం అత్యధిక వసూలు చేసిన సినిమాగా నిలిచింది.
ఈ చిత్రంలోని అఖండ టైటిల్ సాంగ్, జై బాలయ్య వీడియో సాంగ్స్ విపరీతంగా ఆకట్టుకున్నాయి. ఇక తాజాగా ఈ మూవీలోని మరో ఫుల్ వీడియో సాంగ్ను చిత్ర బృందం తాజాగా విడుదల చేసింది. అమ్మా అంటూ సాగె ఈ పాటకు మ్యూజిక్ డైరెక్టర్ తమన్ అద్భుతమైన స్వరాలను అందించాడు. ఈ పాటను ప్రముఖ పాటల రచయిత కళ్యాణ్ చక్రవర్తి రాయగా..బుల్లెట్ బండి ఫేమ్ మోహనా భోగరాజ్ పాడింది.
ఈ చిత్రంలో బాలయ్య సరసన ప్రగ్యా జైస్వాల్ హీరోయిన్గా నటించింది. శ్రీకాంత్, పూర్ణ కీలకపాత్రల్లో కనిపించారు. మిర్యాల రవీందర్ రెడ్డి నిర్మించారు. మరోవైపు బాలయ్య గోపిచంద్ మలినేనితో, అనిల్ రావిపూడితో సినిమాలు చేయాల్సి ఉంది.
https://www.youtube.com/watch?v=GBxw60VIOx0
