ఎన్టీఆర్, రామ్చరణ్ ప్రధాన పాత్రల్లో దర్శకధీరుడు రాజమౌళి తెరకెక్కించిన సినిమా ‘ఆర్ఆర్ఆర్’. ఇప్పటికే చిత్రీకరణ పూర్తి చేసుకున్న ఈ సినిమా సంక్రాంతి కానుకగా జనవరి 7న ప్రేక్షకుల ముందుకు రానుంది. ఈ నేపథ్యంలో చిత్ర ప్రచార కార్యక్రమాల వేగాన్ని పెంచారు. ఇప్పటికే విడుదలైన ఈ సినిమా పోస్టర్లు, గ్లింప్స్, ‘దోస్తీ’, ‘నాటు నాటు’, ‘జనని’ పాటలు అభిమానులను విపరీతంగా ఆకట్టుకున్నాయి.
ఇందులో భాగంగా తాజాగా ఈ మూవీలో ఎన్టీఆర్ పోషించిన కొమురం భీమ్ పాత్రకు సంబంధించిన కొత్త పోస్టర్ను విడుదల చేసింది చిత్రబృందం. అల్లూరిసీతరామరాజుగా నటించిన రామ్చరణ్కు సంబంధించిన కొత్త పోస్టర్ రిలీజ్ చేసిన చిత్ర యూనిట్ తాజాగా మరో అప్డేట్ ఇచ్చింది.
రామ్ చరణ్ కు సంబంధించి బ్రేస్ యువర్ సెల్ఫ్ ఫర్ రామ్ అంటూ 16 సెకెన్ల వీడియోను వదిలిపెట్టింది. అలాగే ఈ వీడియోలో డిసెంబరు 9న ట్రైలర్ను విడుదల చేయనున్నట్లు మరోసారి గుర్తు చేసింది.
https://www.youtube.com/watch?v=61OCzo7vL1o
