ప్రముఖ సంగీత కళాకారుడు ఏఆర్ రెహ్మాన్(AR Rahman) దంపతులు ఇటీవల తమ దాంపత్య బంధానికి స్వస్తి పలికారు. దాదాపు 29 ఏళ్ల వివాహ బంధాన్ని ముగించుకోవాలని నిర్ణయించుకున్నారు. ఈ క్రమంలోనే విడాకులు తీసుకుంటున్నట్లు రెహ్మాన్ భార్య సైరా భాను(Saira Banu) తమ లాయర్ వందన ద్వారా ప్రకటించారు. ఒకరిపై మరొకరికి ప్రగాఢమైన ప్రేమ ఉన్నప్పటికీ కొన్ని కారణాల వల్ల ఈ నిర్ణయం తీసుకున్నట్లు లాయర్ వందన తెలిపారు. అయితే ఇప్పుడు రెహ్మాన్ శిష్యురాలు మోహిని డే కూడా ఇదే బాటలో పయనించారు. రెహ్మాన్ విడాకులు తీసుకున్న గంటల వ్యవధిలోనే మోహిని కూడా తన భర్తకు విడాకులు ఇచ్చేసింది.
రెహ్మాన్ దగ్గర బానిస్ట్‌గా పనిచేస్తున్న మోహిని(Bassist Mohini) కూడా మంగళవారం సాయంత్రమే తన భర్తకు విడాకులు ఇచ్చేసింది. ఈ విషయాన్ని సోషల్ మీడియా ద్వారా తానే స్వయంగా ప్రకటించింది. విడిపోయినా భర్తతో కలిసి ప్రోగ్రామ్స్ చేస్తానని తన పోస్ట్‌లో రాసుకొచ్చింది మోహిని. కాగా గంటల వ్యవధిలోనే రెహ్మాన్(AR Rahman), అతడి సహాయకురాలు వేరువేరుగా విడాకులు తీసుకోవడం ప్రస్తుతం చర్చనీయాంశంగా మారింది. ఈ రెండు విడాకుల ఘటనలకు ఏమైనా కారణాలు ఉన్నాయా అన్న చర్చల జోరుగా సాగుతోంది. 29ఏళ్ల వైవాహిక జీవితం తర్వాత సైరా విడాకులు ఇవ్వాల్సినంత పరిస్థితి ఏం వచ్చిందన్న టాక్ కూడా గట్టిగానే కొనసాగుతోంది. మరి చూడాలి ఈ విడాకులు ఎటువంటి మలుపు తీసుకుంటాయో.
