Chatrapathi Trailer |యంగ్ రెబల్ స్టార్ ప్రభాస్, స్టార్ డైరెక్టర్ రాజమౌళి కలయికలో వచ్చిన బ్లాక్ బస్టర్ చిత్రం ‘ఛత్రపతి’. 2005వ సంవత్సరంలో వచ్చిన ఈ చిత్రంతో ప్రభాస్ ఇమేజ్ వేరే లెవల్ కి వెళ్లింది. మన తెలుగు హీరో బెల్లంకొండ శ్రీనివాస్(Bellamkonda Sreenivas) బాలీవుడ్ చిత్రపరిశ్రమకు ఇప్పుడీ ఈ చిత్రం హిందీ రిమేక్ ద్వారానే పరిచయమవుతున్నాడు. ప్రముఖ తెలుగు దర్శకుడు వీవీ వినాయక్ దీనికి దర్శకత్వం వహించాడు. ఛత్రపతి పేరుతోనే తెరకెక్కిన ఈ సినిమా ట్రైలర్(Chatrapathi Trailer ) తాజాగా విడుదలైంది. తెలుగు సినిమాలో శ్రీలంక నుంచి వచ్చిన వలస కూలీగా ప్రభాస్ కనపడితే.. ఇందులో పాకిస్తాన్ నుంచి వలస వచ్చిన వాడిగా హీరోను చూపించారు. పెన్ స్టూడియోస్ నిర్మించిన ఈ సినిమాలో నుష్రత్(Nushrratt Bharuccha) హీరోయిన్ గా నటించగా, సీనియర్ నటి భాగ్యశ్రీ హీరో తల్లి పాత్రను పోషించింది. మే 12వ తేదీన విడుదల కానున్న ఈ సినిమా బెల్లంకొండను హిందీ పరిశ్రమలో మంచి హీరోగా నిలబెడుతుందో లేదో వేచిచూడాలి.
Read Also: మహిళల మానసిక ఒత్తిడి తగ్గించే 3 సులువైన చిట్కాలు
Follow us on: Google News, Koo, Twitter
