Chhava – Pushpa 2 | అల్లు అర్జున్, రష్మిక జంటగా నటించిన ‘పుష్ప-2’ రిలీజ్‌కు సిద్ధమవుతోంది. ఇప్పటికే ఈ సినిమాపై తారా స్థాయి అంచనాలు ఉన్నాయి. పుష్ప-2 కోసం దేశవ్యాప్తంగా సినిమా ప్రేక్షకులు వేయి కళ్లతో ఎదురుచూస్తున్నారు. ఈ క్రమంలోనే డిసెంబర్ తొలి వారంలో రిలీజ్‌కు రెడీ అవుతున్న పలు సినిమాలు సందిగ్దంలో పడ్డాయి. పుష్ప-2తో బాక్సాఫీస్ దగ్గర తలపడాలా లేకుండా పోటీ నుంచి తప్పుకోవాలా అన్న ఆలోచనలో పడిపోయాయి.
ఇదిలా ఉంటే నేషనల్ క్రష్ రష్మిక మందన టాలీవుడ్ సినిమాలతో పాటు బాలీవుడ్ మూవీస్‌తో కూడా ఫుల్ బిజీ అయిపోయిందీ అమ్మడు. ఇటీవల ‘యానిమల్’ సినిమాలో మెరిసిన ఈ చిన్నది విక్కీ కౌశల్ నటించిన ‘ఛావా(Chhava)’ సినిమాలో కూడా కీ రోల్ పోషించింది. ఈ సినిమాను కూడా డిసెంబర్ తొలి వారంలో రిలీజ్ చేయాలని మేకర్స్ ఆలోచిస్తున్నారు. మేకర్స్ ప్లానింగ్ ప్రకారం ‘ఛావా’ డిసెంబర్ 6న రిలీజ్ అవ్వాలి.
కానీ అంతకన్నా ఒక్క రోజు ముందే డిసెంబర్ 5న రిలీజ్ కానుంది. దీంతో ఈ రెండిటి మధ్య బాక్సాఫీస్ క్లాష్ కానుంది. ఈ క్రమంలో ఫుల్ జోష్‌లో ఉన్న పుష్ప-2తో పోటీ కన్నా వాయిదా వేయడమే మేలని ఛావా మేకర్స్ భావించారు. పుష్ప-2తో పోటీ పడితే దెబ్బ తప్పదని ఫిక్స్ అయిపోయారు. ఛావా రిలీజ్‌ను వాయిదా వేసుకున్నారు. దీంతో ఛావా సినిమా ఈ ఏడాది ప్రేక్షకుల ముందుకు రానట్లే అని తేలిపోయింది. ఈ విషయాన్ని ప్రముఖ ట్రేడ్ అనలిస్ట్ తరణ్ ఆదర్శ్ వెల్లడించారు.
Read Also: ‘చనిపోవాలని అనుకున్నా’.. విడాకుల తర్వాత రెహ్మాన్ తొలి స్పీచ్
Follow US: Google News, Twitter, Share Chat
