బాలీవుడ్‌ బ్యూటిఫుల్ కపుల్ రణవీర్ కపూర్- దీపికా పదుకొణే(Deepika Ranveer) అభిమానులకు గుడ్ న్యూస్ తెలిపారు. త్వరలోనే తాము తల్లిదండ్రులు కానున్నట్లు.. సెప్టెంబర్‌లో డెలివరీ డేట్‌ ఇచ్చినట్లు సోషల్‌ మీడియా వేదికగా దీపిక పోస్ట్ పెట్టారు. ప్రస్తుతం ఈ పోస్ట్ ఇది వైరల్‌ అవుతోంది. దీంతో సెలబ్రిటీలు, నెటిజన్లు శుభాకాంక్షలు చెబుతూ కామెంట్స్‌ చేస్తున్నారు.
- Advertisement -
కాగా 2013లో విడుదలైన ‘రామ్‌ లీలా’ కోసం దీపిక-రణ్వీర్(Deepika Ranveer) ఇద్దరూ కలిసి తొలిసారిగా పనిచేశారు. ఈ సమయంలో ఇద్దరూ ప్రేమలో పడ్డారు. ఐదు సంవత్సరాల ప్రేమ అనంతరం 2018 నవంబర్‌లో వివాహం చేసుకున్నారు. ఇటీవల ‘కాఫీ విత్‌ కరణ్‌ సీజన్‌ 8’లో (Koffee With Karan) పాల్గొన్నారు. ఈ షోలో పెళ్లికి సంబంధించిన పలు ఆసక్తికర విషయాలు పంచుకున్నారు. ఈ ఎపిసోడ్‌లోనే వీరి పెళ్లి వీడియో బయటకు వచ్చింది.
