Dhanush Raayan | తమిళ స్టార్ హీరో ధనుష్ వరుస సినిమాలతో ఫుల్ బిజీగా ఉన్నాడు. తాజాగా తానే ఓ సినిమాను కూడా స్వయంగా తెరకెక్కిస్తున్నారు. తానే హీరోగా తెరకెక్కిస్తున్న ఈ సినిమాకు మూవీ టీమ్ ‘రాయన్’ అని పేరుపెట్టింది. సందీప్‌కిషన్, కాళిదాస్ జయరామ్, ఎస్‌జే సూర్య తదితరులు కీలక పాత్రల్లో నటిస్తున్న ఈ సినిమా కోసం అభిమానులు కొండంత అంచనాలు పెట్టుకున్నారు. తాజాగా మూవీ టీమ్ ఈ సినిమా ట్రైలర్‌ను విడుదల చేసింది. ఈ మూవీ జూలై 26 ప్రేక్షకుల ముందుకు రానున్న క్రమంలో ట్రైలర్‌కు మరింత హాట్‌టాపిక్‌గా మారింది.
విడుదలైన ఈ ట్రైలర్ అందరి దృష్టిని ఆకర్షిస్తోంది. యాక్షన్ ప్యాక్‌డ్‌గా ఉన్న ఈ ట్రైలర్‌పై అభిమానులు ప్రశంసలు కురిపిస్తున్నారు. ట్రైలరే రఫ్ఫాడిస్తోందంటే సినిమా ఏ రేంజ్‌లో ఉంటుందో అంటూ ఊహాగానాలు కూడా ప్రారంభించేశారు. ప్రతి ఒక్కరూ కూడా తమ ఫుల్లెస్ట్ ఇచ్చారని ట్రైలర్ చూసిన వారంటున్నారు. ఈ ట్రైలర్.. మూవీపై ఉన్న అంచనాలను మరింత అధికం చేసేసింది. మరి అభిమానుల అంచనాలను అధిగమించే రిజల్ట్స్‌ను ‘రాయన్(Raayan)’ రాబడుతుందో లేదో తెలియాలంటే జూలై 26 వరకు వేచి చూడాల్సిందే.
Read Also: స్టార్ క్రికెటర్లపై పోలీసులకు ఫిర్యాదు.. ఆ రీలే కారణం..!
Follow us on: Google News, Twitter, ShareChat
