బాలయ్య వరుస సినిమాలతో ఫుల్ బిజీగా గడుపుతున్నాడు. ప్రస్తుతం గోపి చంద్ మలినేనితో NBK 107 సినిమా చేస్తున్నాడు. ఆ తరువాత అనిల్ రావిపూడితో మరో సినిమా ప్లాన్ చేశాడు. ఇవే కాక ఆదిత్య 369కి సీక్వెల్, అఖండ సీక్వెల్ కు నందమూరి నటసింహం ప్లాన్ చేస్తున్నాడు.
ఇప్పటికే NBK 107 ఈ సినిమాకు సంబంధించిన ఫస్ట్ లుక్ విడుదల కాగా, ఈ సినిమా టీజర్ కూడా విడుదలైంది. 25న కర్నూలు నగర శివార్లలో నందమూరి బాలకృష్ణ NBK107 సినిమా షూటింగ్ జరిగింది. 26న పంచలింగల వద్ద బాలకృష్ణ షూటింగ్ జరుగనుంది. కొండారెడ్డి బురుజు సెంటర్‌ సహా అక్కడి పరిసర ప్రాంతాల్లో ఈ షూటింగ్ జరుగుతోంది.
ఈ షెడ్యూల్లో హీరోయిన్ శ్రుతిహాసన్ షూట్ లో పాల్గొనగా..అందుకు సంబంధించి ఓ పిక్ను పొస్ట్ చేసింది. విరామం సమయంలో బాలయ్యతో కలిసి దిగిన సెల్ఫీని అభిమానులతో పంచుకుంది. ఇందులో హీరోయిన్ శ్రుతిహాసన్ కూడా ఉన్నారు. ఈ పిక్లో ఆమె ఇచ్చిన కామెడీ ఎక్స్ప్రెషన్ అభిమానులను నవ్విస్తోంది. ఇది నెటిజన్లను బాగా ఆకట్టుకుంటోంది.
