ప్రఖ్యాత గేయ రచయిత ‘సిరివెన్నెల’ సీతారామశాస్త్రి తుదిశ్వాస విడిచారు. నిమోనియాతో బాధపడుతున్న ఆయన ఆస్పత్రిలో చికిత్స పొందుతూ మంగళవారం కన్నుమూశారు. సీతారామశాస్త్రి తన కెరీర్లో దాదాపు 800కు పైగా చిత్రాల్లో మూడు వేలకు పైగా పాటలను రచించారు.
ఈ మధ్య వెంకటేష్ ‘నారప్ప’, వైష్ణవ్ తేజ్ ‘కొండపొలం’ సినిమాల్లోనూ ఆయన సాంగ్స్ను రాశారు. ‘ఆర్ఆర్ఆర్’ సినిమాలోని ‘దోస్తీ’ పాట కూడా రాసింది ఆయనే. ఈ సాంగ్ అభిమానులను విపరీతంగా ఆకట్టుకుంది. అయితే ఆయన చివరిసారిగా పని చేసింది నాని నటించిన ‘శ్యామ్సింగరాయ్’ కోసం. ఈ చిత్రంలో రెండు పాటలు రాశారు సిరివెన్నెల. ఇవే ఆయన చివరి పాటలు కావడం విషాదకరం.
