విలక్షణ నటుడు విక్రమ్ హీరోగా నటించిన తాజా చిత్రం ‘తంగలాన్(Thangalaan)’.. కబాలి దర్శకుడు పా.రంజిత్ దర్వకత్వం వహించిన ఈ సినిమా టీజర్‌ను చిత్ర బృందం విడుదల చేసింది. టీజర్ చూస్తుంటే సినిమాపై భారీ అంచనాలు నెలకొన్నాయి. ముఖ్యంగా విక్రమ్ గెటప్‌, నటన.. దర్శకుడి ప్రతిభ కళ్లకు కట్టినట్లు కనపడుతోంది. బ్రిటీషర్లు మన దేశానికి రావడం, రాజులతో యుద్ధాలు చేయడం ఇందులో చూపించారు. టీజర్ చివరిలో బంగారు గనులను విక్రమ్ చూసే దృశ్యం ఉంది. ‘స్వార్థం వినాశనానికి దారి తీస్తుంది, రక్తపు యుద్ధాలు స్వేచ్ఛకు దారి తీస్తాయి’అని పేర్కొన్నారు. కోలార్ బంగారు గనుల నేపథ్యంలో ఈ చిత్రం తెరకెక్కుతోంది.
రిపబ్లిక్ డే సందర్భంగా వచ్చే ఏడాది జనవరి 26న మూవీని విడుదల చేస్తున్నట్లు నిర్మాతలు గతంలోనే ప్రకటించారు. పాన్ ఇండియా స్థాయిలో హిందీతో పాటు తెలుగు, తమిళ, మలయాళ, కన్నడ భాషల్లో ఈ సినిమా ప్రేక్షకుల ముందుకు రాబోతోంది. ప్రముఖ సంగీత దర్శకుడు జీవీ ప్రకాశ్ కుమార్(GV Prakash Kumar) ఈ మూవీకి సంగీతం అందిస్తుండగా.. గ్రీన్ స్టూడియోస్ బ్యానర్‌పై కేఈ జ్ఞానవేల్ దీనిని నిర్మిస్తున్నారు. ఇక పార్వతీ, మాళవిక మోహనన్ హీరోయిన్లుగా నటించిన ఈ సినిమా(Thangalaan)లో పశుపతి, హరికృష్ణన్, అన్భు దురై తదితరులు నటిస్తున్నారు.
Read Also: Tea తాగుతున్నారా.. అయితే ఈ విషయం తప్పక తెలుసుకోవాలి!
Follow us on: Google News, Koo, Twitter, ShareChat
