టాలీవుడ్లో ఇటీవల మల్టీస్టారర్ మూవీలు వస్తున్నాయి, ఇక సినిమాల్లో నేను ఆ హీరో అభిమానిని అని చెప్పుకునే సీన్లు కనిపిస్తున్నాయి, ఆ అభిమానంతో హీరోలు కూడా వచ్చి నూతన హీరోల సినిమా ఫంక్షన్లకు వారి బ్లెస్సింగ్స్ అందిస్తున్నారు.. ఇక టాలీవుడ్ లో కూడా చాలా మంది మిగిలిన హీరోల సినిమాలకు వచ్చి సందడి చేస్తున్నారు, తాజాగా ఓ టాక్ టాలీవుడ్ లో వినిపిస్తోంది.
అక్కినేని యంగ్ హీరో నాగచైతన్య విక్రమ్ కుమార్ తో సినిమా చేస్తున్నారు, ఈ సినిమాలో చైతన్య మహేష్ బాబు అభిమానిగా కనిపించనున్నారట, టాలీవుడ్ లో టాక్ నడుస్తోంది..ఈ సినిమా షూటింగ్ ప్రస్తుతం అబిడ్స్లోని రామకృష్ణ సినిమా హాల్లో జరుగుతోంది.. అయితే ఈ సమయంలో కొన్ని సన్నివేశాలు చిత్రీకరించారు.
మహేష్ బాబు పోస్టర్లతో థియేటర్ ప్రాంగణంలో బ్యానర్లు ఏర్పాటు చేశారు. ఇక ఈ సినిమాలో చైతన్య మహేష్ ఫ్యాన్ గా నటిస్తారు అని వార్తలు అందుకే ఊపు అందుకున్నాయి, ఇక ఈ చిత్రంలో ఓ సీన్ లో ప్రిన్స్ కనిపిస్తారు అంటున్నారు, అయితే ఇటు నాగార్జున ఫ్యామిలీకి మహేష్ బాబు ఫ్యామిలీకి ఎంతో సన్నిహిత సంబంధాలు ఉన్నాయి దీంతో ఆయన నటించనున్నారు అనే ప్రచారం ఊపు అందుకుంది.
