బాలయ్య వరుస సినిమాలతో ఫుల్ బిజీగా గడుపుతున్నాడు. ప్రస్తుతం గోపి చంద్ మలినేనితో NBK 107 సినిమా చేస్తున్నాడు. ఆ తరువాత అనిల్ రావిపూడితో మరో సినిమా ప్లాన్ చేశాడు. ఇవే కాక ఆదిత్య 369కి సీక్వెల్, అఖండ సీక్వెల్ కు నందమూరి నటసింహం ప్లాన్ చేస్తున్నాడు.
మరోవైపు బాలయ్య అన్స్టాపబుల్ షోను ఓ రేంజ్ కు తీసుకెళ్లారు. ఈ షో తొలి సీజన్ సూపర్హిట్ అవ్వడం వల్ల రెండో సీజన్ కోసం వీక్షకులు ఎంతో ఆసక్తిగా ఎదురుచూస్తున్నారు. అయితే ఈ రెండో సీజన్ కోసం బాలయ్య రెమ్యునరేషన్ భారీగానే డిమాండ్ చేసినట్లు తెలుస్తోంది.
ఫస్ట్ సీజన్‌లో ఒక్కో ఎపిసోడ్ కోసం దాదాపు రూ.40 లక్షలకుపైగానే తీసుకుంటున్నారట. దీంతో మొత్తం 12 ఎపిసోడ్లు పూర్తిచేసేసరికి ఆయన దాదాపు రూ.6 కోట్లు ఆర్జించారని సమాచారం. ఇక రెండో సీజన్‌కు తన పారితోషికాన్ని రెట్టింపు చేసినట్లు సమాచారం. ప్రస్తుతం ఈ విషయమై సోషల్మీడియాలో వార్తలు వస్తున్నాయి.
