ఎన్‌టీఆర్(NTR) హీరోగా వచ్చిన ‘దేవర(Devara)’ దెబ్బకు బాక్సాఫీస్ దద్దరిల్లిపోయింది. అభిమానుల అంచనాలను మించి ఈ సినిమా పర్ఫార్మ్ చేసింది. కొరటాల(Koratala Siva) మళ్ళీ హిట్ ట్రాక్ ఎక్కేశాడని ప్రేక్షకులు అంటున్నారు. రాజమౌళితో సినిమా తర్వాత వెంటనే హిట్ కొట్టిన హీరోగా కూడా ఎన్‌టీఆర్ రికార్డ్ సృష్టించాడు. ఈ సినిమా సెప్టెంబర్ 27న థియేటర్లలోకి వచ్చింది. ఇప్పటి వరకు ఈ సినిమా రూ.500 కోట్లకు పైగా కలెక్షన్లు చేసింది. ఈ సినిమాతోనే బాలీవుడ్ భామ, శ్రీదేవి కూతురు జాన్వీ కపూర్(Janhvi Kapoor) కూడా తన డైరెక్ట్ తెలుగు ఎంట్రీ ఇచ్చింది. తొలి సినిమాతోనే టాలీవుడ్‌లో హిట్‌ను కూడా కొట్టేసింది. ఇప్పుడంతా ఈ సినిమా ఓటీటీ రిలీజ్ గురించే చర్చ జరుగుతుంది. ఈ క్రమంలోనే ‘దేవర’ ఓటీటీ రిలీజ్‌కు మూవీ టీమ్ ముహూర్తం ఫిక్స్ చేసిందని టాక్ వినిపిస్తోంది.
‘దేవర(Devara)’ అతి త్వరలోనే ఓటీటీలో కూడా సందడి చేయనున్నాడు. దీనికి కావాల్సిన అన్ని ఏర్పాట్లను మూవీ టీమ్ పూర్తి చేసింది. అన్నీ ప్లాన్ ప్రకారం జరిగితే నవంబర్ 8న ఈ సినిమాను ఓటీటీలో అందుబాటులోకి తేవాలని మూవీ మేకర్స్ ప్లాన్ చేస్తున్నారన్న వార్త సినీ సర్కిల్స్‌లో చక్కర్లు కొడుతోంది. అయితే నవంబర్ 8 నుంచి ఈ సినిమా దక్షిణాది ప్రేక్షకులకు అందుబాటులోకి రానుందని, నవంబర్ 22 నుంచి బాలీవుడ్ ప్రేక్షకులకు కూడా ఈ సినిమా ఓటీటీలో అందుబాటులోకి రానుందని టాక్. మరి ఇందులో ఎంత వరకు వాస్తవం ఉందో తెలియాలంటే అధికారిక ప్రకటన రావాల్సిందే. లేదంటే నవంబర్ 8 వరకు వేచి చూడాల్సిందే.
Read Also: ‘అప్పుడో ఇప్పుడో ఎప్పుడో’ ట్రైలర్ ఎలా ఉందంటే..
Follow us on: Google News, Twitter, ShareChat
