ప్రముఖ వ్యాపారవేత్త గౌతమ్ కిచ్లూని కాజల్ అగర్వాల్ ఇటీవల వివాహం చేసుకున్న సంగతి తెలిసిందే, ఇటీవల హానీమూన్ కు వెళ్లి వచ్చారు ఈ జంట, అయితే కోవిడ్ కారణంగా వీరి వివాహానికి పెద్దగా ఎవరిని పిలవలేదు చిత్ర సీమ నుంచి.. కొందరు బంధువులు మిత్రుల సమక్షంలో వివాహం జరిగింది, ఇక ఇటీవల కాజల్ ఆచార్య సినిమా షూటింగ్ లో జాయిన్ అయ్యారు.
భర్త గౌతమ్ తో కలిసి ఆమె ఆచార్య సెట్ కు వచ్చారు, ఈ సమయంలో మెగాస్టార్ చిరంజీవి చిత్ర యూనిట్ ఈ జంటకు బెస్ట్ విషెస్ అందచేశారు.. తాజాగా కాజల్ భర్తని కూడా తన సినిమా ఫీల్డులోకి దింపడానికి ప్లాన్ వేస్తోందని తెలుస్తోంది. గౌతమ్ తో ఓ సినిమా నిర్మాణ సంస్ధని ఏర్పాటు చేయించాలి అని చూస్తోంది.
అంతేకాదు ముందు వెబ్ సిరీస్ లు నిర్మించే ఆలోచన చేస్తోంది, తర్వాత ఆ బ్యానర్ లో చిన్న బడ్జెట్ చిత్రాలు ప్లాన్ చేస్తున్నారట..ఇలా చిత్ర సీమకు కొత్త నటీనటులను పరిచయం చేయాలని ఈ దంపతులు ప్రణాళికలు వేస్తున్నారట. ఓటీటీలకు ఈ వెబ్ సిరీస్ లు ఇచ్చేలా ప్లాన్ చేస్తున్నారు అని టాలీవుడ్ లో వార్తలు వినిపిస్తున్నాయి.
