ప్రియమణి తెలుగులో ఎన్నో సూపర్ హిట్ సినిమాలు చేసింది. ఇంకా పలు సినిమాల్లో ఆమె నటిస్తూనే ఉన్నారు. ఎన్నో మంచి పాత్రలు వస్తున్నాయి. తెలుగులో విరాటపర్వం- నారప్ప సినిమాలు చేసిన ప్రియమణి, తాజాగా మరో సినిమా చేయడానికి అంగీకరించినట్టుగా తెలుస్తోంది. అయితే ఇది కన్నడ చిత్రానికి రీమేక్ అని వార్తలు వినిపిస్తున్నాయి.
కన్నడలో యాక్ట్ 1978 సినిమా ప్రేక్షకుల ముందుకు వచ్చింది. ఇది లేడీ ఓరియెంటెడ్ మూవీ ఇందులో యజ్ఞ శెట్టి ప్రధానమైన పాత్రను పోషించింది. ఈ సినిమాకి మన్సో రే దర్శకత్వం వహించారు. ఇక మంచి పేరు వచ్చింది. ప్రశంసలు దక్కాయి. అక్కడ సూపర్ హిట్ అయిన ఈ చిత్రం తెలుగులో రీమేక్ చేయడానికి సన్నాహాలు చేస్తున్నారు. నిర్మాత ఠాగూర్ మధు ఈ సినిమా తెలుగు రీమేక్ హక్కులను సొంతం చేసుకున్నారు.
ప్రియమణి కథానాయికగా ఆయన ఈ సినిమాను నిర్మించడానికి సిద్ధమవుతున్నారనే వార్తలు వినిపిస్తున్నాయి. ఈ స్టోరీ లైన్ చూస్తే గర్భవతి అయిన ఒక మహిళ ప్రభుత్వం నుంచి తనకి రావలసిన నష్టపరిహారం కోసం, ఆఫీసుల చుట్టూ తిరిగి తిరిగి విసిగిపోతుంది. చివరికి మానవ బాంబుగా మారి ఆఫీసుకు వెళ్లి అందరిని లోపల ఉంచి తలుపులు మూస్తుంది. ఇలా అనేక మలుపులతో ఈ సినిమా ఉంటుంది. అందుకే ఈ సినిమాకి ప్రియమణిని ఎంపిక చేస్తున్నారు అనే వార్తలు వినిపిస్తున్నాయి.
