ఎఫ్2కి సీక్వెల్ గా ఎఫ్3 సినిమా రానుంది, వచ్చే ఏడాది మార్చి నుంచి ఈ సినిమా పట్టాలెక్కనుంది, అయితే ఇటీవల విక్టరీ వెంకటేష్ పుట్టిన రోజు సందర్బంగా ఈ పోస్టర్ రిలీజ్ చేశారు, ఇందులో వెంకటేష్, వరుణ్తేజ్ తోపుడు బండ్లలో డబ్బులు నింపుకొని హుషారుగా షికారు చేస్తున్నట్లు కనిపిస్తున్నారు. ఈసారి మరింత ఫన్ ఉండేలా సినిమా స్టోరీ రాశారట, అంతేకాదు కొందరు సీనియర్ నటులని కూడా ఇందులో తీసుకోనున్నారు అని తెలుస్తోంది.
డైరెక్టర్ అనిల్ రావిపూడి దర్శకత్వంలో వచ్చిన ఎఫ్ 2 ఎంత సక్సెస్ అయిందో తెలిసిందే, ఇక దీనికి సీక్వెల్ గా రానుంది ఎఫ్ 3. అయితే ఈ సినిమాని నిర్మాత దిల్ రాజు నిర్మించనున్నారు, ఎఫ్ 2లో నటించిన మిల్కీ బ్యూటీ తమన్నా – మెహరీన్ ఫిర్జాది ఎఫ్ 3 లో కూడా కంటిన్యూ అవుతున్నారు, తాజాగా కొత్త వార్త వినిపిస్తోంది.
ఇందులో మరోహీరోయిన్ కు ఛాన్స్ ఉంది అని వార్తలు వినిపిస్తున్నాయి, మరొకరు పాయల్ లేదా రాశీఖన్నా ఉండే ఛాన్స్ ఉంది అని వార్తలు వినిపిస్తున్నాయి.. ఇక ఎఫ్ 3 ఇంకెంత ఫన్ గా వస్తుందా అని అందరూ ఎదురు చూస్తున్నారు, మొత్తానికి ఈ సినిమాపై చాలా ఆశలు పెట్టుకున్నారు చిత్ర యూనిట్ తో పాటు హీరోల అభిమానులు.
