లేడీ సూపర్‌ స్టార్ నటనకు ఎవ్వరైనా ఫిదా కావాల్సిందే. చంద్రముఖి, వల్లభ తదితర డబ్బింగ్‌ చిత్రాలతో తెలుగు ప్రేక్షకుల్ని పలకరించిన ఆమె ‘లక్ష్మీ’తో టాలీవుడ్‌లోకి ఎంట్రీ ఇచ్చారు. ఆ తరువాత బాస్‌, యోగి, దుబాయ్‌ శీను, తులసి, బిల్లా, అదుర్స్‌, సింహా, శ్రీరామరాజ్యం, గ్రీకు వీరుడు తదితర సినిమాల్లోని విభిన్న పాత్రలతో విశేషంగా ఆకట్టుకున్నారు.
ప్రస్తుతం దక్షిణాదిలో స్టార్ హీరోయిన్గా మెరుపులు మెరిపిస్తున్న నయనతార ఒక షాకింగ్ నిర్ణయం తీసుకున్నట్టు వార్తలు విన్పిస్తున్నాయి. నయన్ భర్త విఘ్నేష్‌ శివన్‌తో కలిసి విదేశాల్లో ఎంజాయ్‌ చేస్తున్న ఈ అమ్మడు త్వరలో నటనకు గుడ్‌బై చెప్పబోతుందన్నదే వార్త జోరందుకుంది. కానీ ఈ విషయమై ఇప్పటి వరకు ఎలాంటి అధికారిక ప్రకటన చేయలేదు.
