వరుస పాన్ ఇండియా సినిమాలతో బిజీగా ఉన్న హీరో ప్రభాస్ మరో పాన్ ఇండియా సినిమాను ఓకే చేశారని తెలుస్తుంది. మైత్రీ మూవీ మేకర్స్ బ్యానర్లో ఓ పాన్ ఇండియా మూవీ చేయబోతున్నట్లు సమాచారం.
2022 జనవరి 1 ఈ ప్రాజెక్టును అధికారికంగా ప్రకటించనున్నారని వినికిడి. ఒకవేళ ఇదే కనుక నిజమైతే ప్రభాస్ ఫ్యాన్స్కు పండగే. ఈ చిత్రాన్ని బాలీవుడ్ దర్శకుడు సిద్ధార్థ్ ఆనంద్ తెరకెక్కించనున్నారని అంతా మాట్లాడుకుంటున్నారు. అంతకుముందు కూడా ఈ డైరెక్టర్తో డార్లింగ్ మూవీ చేయబోతున్నారని ప్రచారం సాగింది. కానీ ఆ తర్వాత ఎవరూ దీని గురించి మాట్లాడుకోలేదు.
ప్రభాస్ ఇప్పటికే బీటౌన్ దర్శకుడు ఓం రౌత్తో ‘ఆదిపురుష్’ చేస్తున్నారు. దీంతో పాటే ‘సలార్’, ‘ప్రాజెక్ట్ కె’, ‘స్పిరిట్’ చిత్రాల్లోనూ నటిస్తున్నారు. ఇక రాధాకృష్ణ దర్శకత్వంలో ఆయన నటించిన ‘రాధేశ్యామ్’తో జనవరి 14న ప్రేక్షకుల ముందుకు రానుంది. ఇందులో పూజాహెగ్డే హీరోయిన్. దీనిపై అభిమానుల్లో భారీ అంచనాలు నెలకొన్నాయి.
