స్టార్ హీరోయిన్ నిత్యామీనన్ అలా మొదలైంది, ఇష్క్, జనతా గ్యారేజ్, భీమ్లా నాయక్ సినిమాలో నటించి మంచి క్రేజ్ సాంపాదించుకుంది. తాజాగా ఈ హీరోయిన్ కు సంబంధించి ఓ వార్త న్యూస్ వెబ్సైట్లలో, సోషల్ మీడియాలో తెగ వైరల్ అవుతున్న విషయం తెలిసిందే. త్వరలో పెళ్లి చేసుకోబోతున్నట్లు వార్తలు వినిపిస్తున్నాయి.
ఫ్రెండ్స్ ద్వారా పరిచయం అయిన ఓ స్టార్ హీరోతో ప్రేమలో ఉందని, త్వరలో వీరు పెళ్లి పీటలు కూడా ఎక్కరున్నారనే వార్తపై నిత్యామీనన్ స్పందించారు. తన పెళ్లిపై వస్తున్న పుకార్లపై అందరికి ఓ క్లారిటీ ఇచ్చారు. “నా పెళ్లి గురించి ఇటీవల వచ్చిన వార్తలో నిజం లేదు. అదంతా కల్పితం” అని నటి నిత్యా మీనన్ నేరుగా సోషల్మీడియా వేదికగా స్పష్టం చేశారు.
అంతేకాకుండా వివాహం గురించి ప్రస్తుతానికి తనకెలాంటి ఆలోచన, ప్రణాళిక లేవని తెలిపారు. ఎవరో ఓ వ్యక్తి తాను ఊహించుకుని ఓ ఆర్టికల్‌ రాస్తే దాన్ని ఎలాంటి ఆధారాల్లేకుండా అంతా దాన్ని వ్యాప్తి చేశారన్నారు. ఇదిలా ఉండే..నిత్య త్వరలో 19(1)(a) అనే సినిమాతో సందడి చేయనున్నారు.
