గ్లోబల్ స్టార్ రామ్ చరణ్ కెరీర్‌లో బెస్ట్ మ్యూజికల్ హిట్ సినిమా ఏది అనగానే అందరు టక్కున ఆరెంజ్ అని చెప్పేస్తుంటారు. ఫైనాన్షియల్‌గా సరిగా ఆడకపోయినా.. ఈ సినిమా పాటలు ఈరోజు కూడా ఎక్కడో ఓ చోట మారు మోగుతూనే ఉంటాయి. ముఖ్యంగా ఈ సినిమాలో రామ్ చరణ్ యాక్టింగ్‌కు అందరూ ఫిదా అయిపోయారు. ఇక డైరెక్టర్ బొమ్మరిల్లు భాస్కర్(Director Bhaskar) గురించి ప్రత్యేకంగా చెప్పాల్సిన పనిలేదు.
చేసింది తక్కువ సినిమాలే అయినా.. సినిమా అభిమానులకు ఆయన సినిమా అంటే ఎంతో ఆసక్తిగా ఎదురుచూస్తుంటారు. బొమ్మరిల్లు భాస్కర్ చాలా గ్యాప్ తీసుకొని.. తాజాగా ఓ చిత్రం ప్రకటించారు. ఆరెంజ్ సినిమాలో ఓ చిన్న రోల్ చేసిన డీజే టిల్లుతో సినిమా చేస్తున్నట్లు ప్రకటించారు. ఈ ప్రాజెక్ట్ ఓపెనింగ్ గురువారం అట్టహాసంగా జరిగింది. ఈ సినిమాకు సంబంధించిన పూజా కార్యక్రమాలు ప్రారంభంకాగా ప్రముఖ నిర్మాత అల్లు అరవింద్ క్లాప్ ఇచ్చి.. సినిమా ఓపెనింగ్ చేశారు. దీంతో బొమ్మరిల్లు భాస్కర్(Director Bhaskar) అభిమానులు హర్షం వ్యక్తం చేస్తున్నారు.
