RRR వంటి సెన్సేష‌న‌ల్ బ్లాక్ బ‌స్టర్ మూవీ త‌ర్వాత గ్లోబల్ స్టార్ రామ్ చరణ్ (Ram Charan) నటిస్తున్న చిత్రం ‘గేమ్ ఛేంజర్‌’(Game Changer). పాన్ ఇండియా డైరెక్టర్ శంకర్ ఈ సినిమాకు దర్శకత్వం వహిస్తుండగా.. శ్రీ వెంక‌టేశ్వర సినీ క్రియేష‌న్స్ బ్యాన‌ర్ మీద దిల్ రాజు ఈ మూవీని భారీ బడ్జెట్‌తో నిర్మిస్తున్నారు. ఈ సినిమాపై అభిమానుల్లో భారీ అంచనాలు నెలకొన్నాయి. కొద్దిరోజుల క్రితం ఈ చిత్రంలోని ‘జరగండి జరగండి’ అనే పాట సోషల్ మీడియాలో లీకైంది. దీనిపై నిర్మాత దిల్‌రాజు ఆగ్రహం వ్యక్తం చేస్తూ సైబర్‌ క్రైమ్ పోలీస్‌స్టేషన్‌లో ఫిర్యాదు చేశారు. దీనిపై విచారణ చేపట్టిన పోలీసులు లీక్ చేసిన ఇద్దరు వ్యక్తులను అరెస్ట్ చేశారు.
Game Changer | అయితే దీపావళి కానుకగా ఈ సినిమాలోని ‘జరగండి.. జరగండి.. ‘ అనే లిరికల్ పాటను విడుదల చేయనున్నట్లు మూవీ యూనిట్ ఇటీవల ప్రకటించింది. సంగీత దర్శకుడు థమన్ అందించిన ఈ పాట సినిమాకే హైలైట్‌ కానుందని టీమ్ పేర్కొంది. ఈ పాటను రూ.20కోట్ల బడ్జెట్‌తో తెరకెక్కించినట్లు సమాచారం. దీంతో ఈ పాట కోసం ప్రేక్షకులు ఆసక్తిగా ఎదురుచూస్తున్నారు. ఇందులో రామ్ చరణ్ ద్విపాత్రాభినయంలో కనిపించనున్నట్లు తెలుస్తోంది. కియారా అడ్వాణీ(Kiara Advani) హీరోయిన్‌గా నటిస్తుండగా.. అంజలి, శ్రీకాంత్‌, సునీల్‌, ఎస్‌.జె.సూర్య, సముద్రఖని, నవీన్‌ చంద్ర కీలకపాత్రలు పోషిస్తున్నారు.
