తమ అభిమాన హీరోను సరికొత్త లుక్స్ చూడటం ప్రతి ఫ్యాన్‌కి బెస్ట్ ఎక్స్‌పీరియన్స్. అలాంటిది అతి త్వరలో ప్రభాస్(Prabhas) ఫ్యాన్స్‌కు ఈ విషయంలో భారీ ఫీస్ట్ అందనుంది. సందీప్ రెడ్డి వంగా(Sandeep Reddy Vanga) డైరెక్షన్‌లో ప్రభాస్ నటిస్తున్న ‘స్పిరిట్’ సినిమాలో ప్రభాస్ ఒకటి కాదు రెండు కాదు.. నాలుగైదు కొత్త లుక్స్‌లో కనిపించనున్నాడట. ఈ సినిమా ప్రస్తుతం ప్రీప్రొడక్షన్ పనుల్లో ఉంది. ఈ సినిమాలో ప్రభాస్ పవర్ ఫుల్ పోలీస్‌గా కనిపించునున్నాడు. ఇప్పటికే ఈ పాత్రకు సంబంధించిన లుక్స్‌‌ను మూవీ టీమ్ ఫైనల్ చేసినట్లు తెలుస్తోంది. దీంతో పాటుగానే మరో రెండు మూడు లుక్స్‌లో కూడా ప్రభాస్ కనువిందు చేయనున్నారు. యానిమల్ సినిమాలో రణ్‌బీర్ కపూర్ కనిపించినట్లుగానే ప్రభాస్ కూడా డిఫరెంట్ లుక్స్‌తో అదగొట్టనున్నాడట. వీటికి సంబంధించి కూడా లుక్స్ ఎలా ఉండాలన్న అంశంపై మూవీ టీమ్ కసరత్తులు చేస్తోంది.
ఇదిలా ఉంటే ‘స్పిరిట్’ సినిమాను డిసెంబర్ నెలలో లాంఛనంగా ప్రారంభించి.. జనవరి నుంచి రెగ్యులర్‌ షూటింగ్ ప్రారంభం కానుందని తెలుస్తోంది. ఈ సినిమా షూటింగ్‌ను శరవేగంగా ముందుకు తీసుకెళ్లాలని ఇప్పటికే ఏర్పాట్లు జరిగాయని మూవీ టీమ్ చెప్తోంది. దీంతో వచ్చే ఏడాదిలోనే ‘స్పిరిట్(Spirit)’ సినిమా రిలీజ్ అయ్యే అవకాశాలు ఉన్నట్లు తెలుస్తోంది. మరి చూడాలి ఈ సరికొత్త Prabhas లుక్స్ ఎలా ఉంటాయో చూడాలి.
