Kanguva Pre Release | తమిళస్టార్ హీరొ సూర్య తాజా సినిమా కంగువా రిలీజ్‌కు సిద్ధంగా ఉంది. ఈ సినిమా నవంబర్ 14న గ్రాండ్‌గా రిలీజ్ చేయడానికి మేకర్స్ కసరత్తులు చేస్తున్నారు. ఇందులో భాగంగానే ఈ సినిమా ప్రీరిలీజ్ ఈవెంట్‌ను కూడా భారీగా ప్లాన్ చేస్తున్నారు. గురువారం జరిగే ఈ ఈవెంట్‌కు పాన్ ఇండియా స్టార్ ప్రభాస్(Prabhas) ముఖ్యఅతిథిగా హాజరుకానున్నారన్న ప్రచారం జోరుగా సాగుతోంది. సూర్య(Surya)తో ఉన్న అనుబంధంతో ప్రభాస్ ఇందుకు ఓకే చెప్పాడని టాక్ నడుస్తోంది. ఈ సినిమా ప్రీరిలీజ్ ఈవెంట్ హైదరాబాద్‌లోని పార్క్ హయత్ హోటల్‌లో సాయంత్రం 6 గంటలకు నిర్వహించనున్నారు. ఈ ఈవెంట్ హైదరాబాద్‌లోనే జరుగుతుండటంతో ప్రభాస్ వచ్చే అవకాశాలు చాలా ఎక్కువగా ఉన్నాయని అభిమానులు భావిస్తున్నారు. తాజాగా ఈ వార్తలపై మూవీ మేకర్స్ క్లారిటీ ఇచ్చారు.
కంగువా మూవీ ప్రీ రిలీజ్(Kanguva Pre Release) ఈవెంట్‌కు ప్రభాస్ రావట్లేదని చెప్పారు. కంగువా సినిమాను ప్రభాస్ స్నేహితులు యూవీ క్రియేషన్స్‌పై వంశీ, ప్రమోద్ స్టూడియోస్ గ్రీన్ బ్యానర్‌తో కలిసి సంయుక్తంగా నిర్మిస్తుండటం, ఇందులో సూర్య నటిస్తుండటంతో ప్రభాస్ వస్తాడని అభిమానులు బలంగా నమ్మారు. కానీ ప్రభాస్ రావట్లేదంటూ మేకర్స్ వాళ్ల ఆశలపై నీళ్లు చల్లారు. అయితే ఈ సినిమా ప్రీ రిలీజ్ ఈవెంట్‌కు డైరెక్టర్స్ ఎస్ఎస్ రాజమౌళి(SS Rajamouli), బోయపాటి శ్రీను(Boyapati Srinu) హాజరుకానున్నారు. హను రాఘవపుడి దర్శకత్వంలో చేస్తున్న సినిమా షూటింగ్‌లో ఫుల్ బిజీగా ఉండటంతోనే ప్రభాస్ ఈ ఈవెంట్‌కు రావట్లేదని తెలుస్తోంది.
Read Also: ప్రభాస్ ఫ్యాన్స్‌కు గుడ్‌న్యూస్.. స్పిరిట్ పట్టాలెక్కేదప్పుడే..
Follow Us On: Google News, Twitter, ShareChat
