ఇటీవల గుండెపోటుతో మరణించిన పునీత్ రాజ్కుమార్ డ్రీమ్ప్రాజెక్టు ‘గందద గుడి’ టీజర్ రిలీజైంది. ఆయన తల్లి పార్వతమ్మ జయంతి సందర్భంగా ఈ టీజర్ను రిలీజ్ చేశారు. కర్ణాటకలోని వైల్డ్లైఫ్ ఆధారంగా తీసిని ఈ డాక్యుమెంటరీని పునీత్ స్వయంగా నిర్మించారు. అలానే దీనిని తెరకెక్కించిన అమోఘ వర్షతో కలిసి ఇందులో నటించారు. వచ్చే ఏడాది, థియేటర్లలో ‘గందద గుడి’ని రిలీజ్ చేయనున్నారు.
నిమిషం పాటు సాగే ఈ టీజర్లో కర్ణాటకలోని అడవులు, జలపాతాలు చూపించారు. వీటి వెంట నడుస్తూ కనిపించిన పునీత్-అమోఘ వర్ష.. నీటి లోపల కూడా డైవింగ్ చేస్తూ కనిపించారు. 1973లో కన్నడలో హిట్గా నిలిచిన ‘గందద గుడి’ సినిమాలో పునీత్ తండ్రి, కన్నడ కంఠీవ డాక్టర్.రాజ్కుమార్ హీరోగా నటించారు. ఆ పేరునే ఈ చిత్రానికి పెట్టారు. అక్టోబరు 29న అకస్మాత్తుగా గుండెపోటు రావడం వల్ల పునీత్ మరణించారు. మరోవైపు ఆయన మరణాన్ని తట్టుకోలేక పలువురు అభిమానులు కూడా తనువు చాలించారు.