‘ఆర్ఆర్ఆర్’ ట్రైలర్ విడుదలను వాయిదా వేస్తున్నట్లు చిత్రబృందం బుధవారం(డిసెంబరు 1) ప్రకటించింది. అనుకోని పరిస్థితుల వల్ల ఈ నిర్ణయం తీసుకోవాల్సి వచ్చిందని పేర్కొంది. త్వరలో కొత్త రిలీజ్ డేట్ను ప్రకటిస్తామని ట్వీట్ చేసింది.
డిసెంబరు 3న ‘ఆర్ఆర్ఆర్’ ట్రైలర్ విడుదల చేస్తామని ఇటీవల ప్రకటించారు. ఇప్పుడు ప్రముఖ గేయ రచయిత సిరివెన్నెల సీతారామశాస్త్రి మరణంతో టాలీవుడ్లో విషాద ఛాయలు అలుముకున్నాయి. ఇందువల్లే ‘ఆర్ఆర్ఆర్’ ట్రైలర్ విడుదలను వాయిదా వేసినట్లు తెలుస్తోంది.
‘ఆర్ఆర్ఆర్’ లో రామ్చరణ్, ఎన్టీఆర్ ప్రధాన పాత్రల్లో నటించారు. ఆలియా భట్, ఒలీవియా మోరిస్ హీరోయిన్లుగా నటించారు. అజయ్ దేవ్గణ్, సముద్రఖని, శ్రియ కీలకపాత్రలు పోషిస్తున్నారు. కీరవాణి సంగీతమందిస్తున్నారు. రాజమౌళి దర్శకత్వం వహిస్తున్నారు. డీవీవీ దానయ్య.. దాదాపు రూ.450 కోట్లతో నిర్మించారు. జనవరి 7న ప్రపంచవ్యాప్తంగా థియేటర్లలోకి విడుదల కానుందీ సినిమాను వాయిదా వేస్తున్నట్లు ప్రకటించారు. త్వరలో ట్రైలర్ కొత్త రిలీజ్ డేట్ను ప్రకటిస్తామని అన్నారు.
