ఎన్టీఆర్, రామ్చరణ్ ప్రధాన పాత్రల్లో దర్శకధీరుడు రాజమౌళి తెరకెక్కించిన సినిమా ‘ఆర్ఆర్ఆర్’. ఇప్పటికే చిత్రీకరణ పూర్తి చేసుకున్న ఈ సినిమా సంక్రాంతి కానుకగా జనవరి 7న ప్రేక్షకుల ముందుకు రానుంది. ఈ నేపథ్యంలో చిత్ర ప్రచార కార్యక్రమాల వేగాన్ని పెంచారు.
ఇప్పటికే విడుదలైన ఈ సినిమా పోస్టర్లు, గ్లింప్స్, ‘దోస్తీ’, ‘నాటు నాటు’, ‘జనని’ పాటలు అభిమానులను విపరీతంగా ఆకట్టుకున్నాయి. డిసెంబరు 9న ‘ఆర్ఆర్ఆర్’ ట్రైలర్ విడుదల కానున్న నేపథ్యంలో ఈ ప్రచార చిత్రానికి సంబంధించిన గ్లింప్స్ను విడుదల చేస్తూ ఫ్యాన్స్కు సర్ప్రైజ్ ఇస్తోంది చిత్రబృందం.
మంగళవారం రామ్చరణ్కు(రామ్ పాత్ర) సంబంధించిన గ్లింప్స్ను ఎన్టీఆర్ విడుదల చేయగా.. నేడు(బుధవారం) తారక్కు(కొమురం భీమ్) సంబంధించిన గ్లింప్స్ను రిలీజ్ చేశారు చరణ్. ఈ రెండు ట్రైలర్పై అంచనాలను పెంచుతున్నాయి.
