తమిళ చిత్ర పరిశ్రమ చాలా ప్రత్యేకంగా భావించే చెన్నై ఇంటర్నేషనల్ ఫిల్మ్ ఫెస్టివల్ వేడుకగా ఘనంగా జరిగింది. ఇందులో పలువురు నటులకు అవార్డులు ప్రదానం చేశారు. ఈ క్రమంలోనే నేచురల్ బ్యూటీ సాయిపల్లవికి ఉత్తమ నటి అవార్డును అందించారు. అమరన్ సినిమాలో సాయి పల్లవి(Sai Pallavi) నటన అద్భుతంగా ఉందని పేర్కొంటూ ఆ సినిమాకు గానూ ఈ బ్యూటీకి అవార్డు అందించారు. తనకు అవార్డు రావడంపై సాయిపల్లవి సంతోషం వ్యక్తం చేశారు.
‘‘22వ చెన్నై ఇంటర్నేషనల్ ఫిల్మ్ ఫెస్టివల్‌లో ఉత్తమ నటిగా అవార్డు అందుకోండం నాకు చాలా సంతోషంగా, గర్వంగా ఉంది. ఈ ఏడాది ఎన్నో గొప్ప చిత్రలు విడుదలయ్ాయయి. ఎంతో పోటీ ఉంది. అలాంటి సమయంలో ఈ అవార్డుకు నన్ను ఎంపిక చేయడం చాలా స్పెషల్‌గా ఉంది. ఇందుకు నా అభిమానులే కారణం. వారు చూపిన ప్రేమ నన్నెంతో భావోద్వేగానికి గురి చేసింది.
ముకుంద్ కుటుంబీకులు, సతీమణి వల్లే ఆ పాత్రను అంతలా పండించగలిగాను. ఈ కథను ప్రపంచడానికి చెప్పడానికి వాళ్లు ఓకే చెప్పడం వల్లే ఈ సినిమాను రూపొందించగలిగాం. దేశం కోసం నిరంతరంశ్రమిస్తున్న ఒక జవాను కథ ఇది’’ అని సాయి పల్లవి(Sai Pallavi) చెప్పుకొచ్చింది.
విజేతలు వీరే..
ఉత్తమ చిత్రం: అమరన్
రెండో ఉత్తమ చిత్రం: లబ్బర్ పందు
ఉత్తమ నటుడు : విజయ్ సేతుపతి (మహారాజ)
ఉత్తమ నటి: సాయిపల్లవి (అమరన్)
ఉత్తమ సినిమాటోగ్రాఫర్: సీహెచ్ సాయి (అమరన్)
ఉత్తమ ఎడిటర్: ఫిలోమిన్ రాజ్ (అమరన్)
ఉత్తమ బాలనటుడు: పొన్వెల్ (వాళై)
ఉత్తమ సహాయనటుడు: దినేశ్ (లబ్బర్ పందు)
ఉత్తమ సహాయనటి: దుషారా విజయన్ (వేట్టయన్)
ఉత్తమ రచయిత: నిథిలన్ సామినాథన్ (మహారాజ)
ఉత్తమ సంగీత దర్శకుడు: జీవీ ప్రకాశ్ (అమరన్)
స్పెషల్ జ్యూరీ అవార్డు : మారి సెల్వరాజ్ (వాళై), పా.రంజిత్ (తంగలాన్)
