బాలీవుడ్ స్టార్ హీరో షారుఖ్ ఖాన్(Shah Rukh Khan) తన జీవితంలో అత్యంత కీలక నిర్ణయం తీసుకున్నాడు. ఇన్నాళ్లూ దేనికైతే బానిసయ్యాడో దానిని వదిలేస్తున్నట్లు ప్రకటించాడు. ఇకపై ఆ దురలవాటు జోలికి కూడా వెళ్లనని తేల్చి చెప్పాడు షారుఖ్ ఖాన్. అదే సిగిరెట్లు కాల్చడం(Smoking). ఫారుఖ్ ఖాన్ చెయిన్ స్మోకర్. చెయిన్ స్మోకర్ అంటే రోజుకు రెండు మూడు పెట్టెలు కాల్చడం కాదు.. ఒక్క రోజుకు వందకు పైగా సిగిరెట్లే కాల్చేవాడు ఈ హీరో. ఇలా అస్తమానం నోట్లో సిగిరెట్లు ఉంటే షారుఖ్ ఆరోగ్యం ఏమవుతుందా? అభిమానులు, కుటుంబ సభ్యులు కంగారు పడేవాళ్లు. ఈ వ్యవసనాన్ని వదిలించుకుందామని షారుఖ్ ఖాన్ ఎన్నోసార్లు ప్రయత్నించినా ప్రతి సారి వ్యసనమే విజయం సాధించింది. అయితే తాజాగా ఎట్టకేలకు తన శత్రువులా మారిన తన అలవాటుపై విజయం సాధించానని అంటున్నాడు మన హీరో.
నవంబర్ 2న తన పుట్టినరోజు సందర్భంగా అభిమానులను కలవడం కోసం మీట్ అండ్ గ్రీట్ అనే కార్యక్రమం చేపట్టాడు షారుఖ్. ఇందులో మాట్లాడుతూ.. మీకందరికీ ఓ గుడ్ న్యూస్ అని ప్రకటించాడు. ‘‘నేను సిగిరెట్లు తాగడం మానేశాను. వీటిని తాగడం మానేశాక కూడా శ్వాస సంబంధిత సమస్యలు తగ్గలేదు. ఇప్పటికి కూడా కొన్నికొన్నిసార్లు శ్వాస తీసుకోవడం కష్టంగా ఉంటుంది. దేవుడి దయ వల్ల అతిత్వరలోనే ఈ సమస్య కూడా తగ్గి అంతా బాగవుతుందని ఆశిస్తున్నా’’ అని షారుఖ్(Shah Rukh Khan) చెప్పాడు. షారుఖ్ మాటలు వినగానే అభిమానులంతా సంతోషంతో ఊగిపోయారు.
