ప్రధాని మోదీకి ఉన్న ఫాలోయింగ్ గురించి ప్రత్యేకంగా చెప్పాల్సిన అవసరం లేదు. సోషల్ మీడియా కూడా పలువురు సినీ హీరోలను మించి ఫాలోవర్స్ ఉన్న రాజకీయ నేతగా కూడా మోదీ నిలిచారు. అలాంటి మోదీని తాజాగా బాలీవుడ్ భామ శ్రద్ధా కపూర్(Shraddha Kapoor) వెనక్కు నెట్టారు. ఇన్‌స్టాగ్రామ్‌లో అత్యధిక ఫాలోవర్స్ ఉన్న హీరోయిన్‌గా శ్రద్ధా రికార్డ్ సృష్టించారు. తాజాగా ప్రముఖ సంస్థ సిద్ధం చేసిన పాపులారిటీ జాబితాలో మోదీ, ప్రియాంక చోప్రా(Priyanka Chopra)ను కూడా వెనక్కును నెట్టేసింది ఈ చిన్నది. శ్రద్ధా కపూర్ తాజా సినిమా ‘స్త్రీ’ మూవీ బిగ్ హిట్ కావడంతో ఆమె ఫాలోవర్స్, పాపులారిటీ భారీగా పెరిగిపోయారు. దీంతో ప్రస్తుతం 91.9 మిలియన్ల ఫాలోవర్లతో శ్రద్ధా దూసుకెళ్తున్నారు. ప్రపంచవ్యాప్తంగా ఇన్‌స్టాగ్రామ్‌లో అత్యధిక ఫాలోవర్స్ ఉన్న ప్రముఖుల్లో శ్రద్ధా కపూర్ నాలుగో స్థానంలో ఉన్నారు. ఇండియ వరకు తీసుకుంటే రెండో స్థానంలో ఉన్నారు. భారత్‌ వరకు తీసుకుంటే 270 మిలియన్ల ఫాలోవర్లతో విరాట్ కోహ్లీ టాప్‌లో ఉన్నారు.
ఇన్‌స్టాగ్రామ్‌లో అత్యధిక ఫాలోవర్లు ఉన్న ప్రముఖులు
ఫుట్బాల్ ఆటగాడు క్రిస్టియానో రొనాల్డో – 636 మిలియన్లు
లియోనెల్ మెస్సీ- 504 మిలియన్లు
క్రికెటర్ విరాట్ కోహ్లి – 270 మిలియన్లు
శ్రద్ధా కపూర్(Shraddha Kapoor) – 91.9 మిలియన్లు
ప్రియాంక చోప్రా 91.8 మిలియన్లు
ప్రధాని నరేంద్ర మోదీ – 91.3 మిలియన్లు
అలియా భట్ – 85.1 మిలియన్లు
కత్రినా కైఫ్ – 80.4 మిలియన్లు
దీపికా పదుకొనే – 79.8 మిలియన్లు
