సూపర్స్టార్ మహేశ్బాబు మరోసారి మంచి మనసును చాటుకున్నారు. మహేశ్బాబు ఫౌండేషన్.. రెయిన్బో హాస్పిటల్ భాగస్వామ్యంతో ‘ప్యూర్ లిటిల్ హార్ట్స్’ అనే సంస్థను స్థాపించారు. ఈ ఫౌండేషన్లో భాగంగా.. గుండె సంబంధిత వ్యాధితో బాధపడుతున్న పేద పిల్లలకు ఉచితంగా చికిత్స అందించనున్నారు.
ఈ కార్యక్రమానికి ముఖ్య అతిథిగా విచ్చేసిన మహేశ్బాబు.. ఈ ఫౌండేషన్ను ప్రారంభించారు. అనంతరం మాట్లాడారు. “ఈ ప్యూర్ లిటిల్ హార్ట్స్ ఫౌండేషన్ను ప్రారంభించడం నాకు సంతోషంగా ఉంది. పిల్లలు ఎప్పుడూ నా మనసుకు దగ్గరగా ఉంటారు. చిన్న పిల్లల హృదయాలకు ఎక్కువ కేర్ తీసుకోవాలి.” అని అన్నారు.
‘మహేశ్బాబు ఫౌండేషన్’ ద్వారా ఇప్పటివరకు వేల మంది పేద పిల్లలకు ఉచితంగా హార్ట్ ఆపరేషన్లు చేయించి వారికి పునర్జన్మ ప్రసాదించారు. రెయిన్బో హాస్పిటల్స్, ఆంధ్రా హాస్పిటల్స్ భాగస్వామ్యంతో గతేడాది తన స్వగ్రామమైన బుర్రిపాలెంలో ప్రజలందిరికీ ఉచితంగా కొవిడ్ టీకాలు వేయించి తన దాతృత్వాన్ని చాటుకున్నారు.
