హీరోయిన్ నయనతార బాలీవుడ్ స్టార్ షారుక్ ఖాన్-అట్లీ కాంబోలో తెరకెక్కుతున్న సినిమాలో నటిస్తోందని కొద్ది రోజులుగా ప్రచారం సాగుతోంది. అయితే ఇప్పుడా చిత్రం నుంచి తప్పుకున్నట్లు సమాచారం.
అట్లీ దర్శకత్వంలో షారుక్ నటిస్తున్న సినిమా షూటింగ్ జరుపుకుంటోంది. అయితే కొద్ది రోజుల క్రితం బాద్షా తనయుడు ఆర్యన్ ఖాన్ డ్రగ్స్ కేసులో జైలుకెళ్లారు. దీంతో షారుక్ తన షూటింగ్స్కు తాత్కాలికంగా బ్రేక్ ఇచ్చారు. ఈ క్రమంలోనే అట్లీ రూపొందిస్తున్న సినిమా చిత్రీకరణ నిలిచిపోయినట్లు తెలిసింది. ఈ మూవీ మళ్లీ ఎప్పుడు పట్టాలెక్కుతుందో స్పష్టత లేదు.
మరోవైపు నయన్ తన ప్రియుడు, దర్శకుడు విఘ్నేశ్తో పెళ్లి పనుల్లో బిజీగా ఉందట. ఈ కారణాలతో తన డేట్స్ సర్దుబాటు కాక ఆమె షారుక్ చిత్రం నుంచి తప్పుకున్నట్లు తెలుస్తోంది. దీనిపై త్వరలోనే స్పష్టత రానుంది.
