టాలీవుడ్ అగ్ర దర్శకుల్లో ముందు వినిపించే పేరు త్రివిక్రమ్ శ్రీనివాస్… ఈ మాటల మాంత్రికుడు వెను వెంటనే సినిమాలు సెట్స్ పై పెడతారు అనేది తెలిసిందే, తాజాగా ఈ లాక్ డౌన్ సమయంలో పలు కథలు సిద్దం చేసుకుని హీరోలకి కూడా కొన్ని స్టోరీలు వినిపించారు, అయితే ఈ ఏడాది అల వైకుంఠపురంలో సినిమాతో బ్లాక్ బస్టర్ హిట్ అందుకున్న మాటల మాంత్రికుడు తన నెక్స్ట్ సినిమాను కూడా అనౌన్స్ చేసాడు.
యంగ్ టైగర్ ఎన్టీఆర్ తో కలిసి సినిమా చేయనున్నాడు త్రివిక్రమ్. ఇక ఆర్ ఆర్ ఆర్ సినిమా షూట్ తర్వాత ఈ చిత్రం తెరకెక్కించనున్నారు, ఈ చిత్రాన్ని ప్రముఖ నిర్మాణ సంస్థలు ఎన్టీఆర్ ఆర్ట్స్ , హారిక అండ్ హాసిని క్రియేషన్స్ నిర్మించనున్నాయి.
అయితే ఇంకా ఈ సినిమాకు బహుశా కొన్ని నెలల సమయం పట్టేలా ఉంది.
అందుకే ఈలోపు మరో సినిమా ఫినిష్ చేయాలి అని భావిస్తున్నారు త్రివిక్రమ్ అని వార్తలు వస్తున్నాయి, తాజాగా ఓ యంగ్ హీరోకి కథ చెప్పినట్టు గుసగుసలు వినిపిస్తున్నాయి. ఇస్మార్ట్ శంకర్ సినిమాతో సాలిడ్ హిట్ అందుకున్న రామ్ తో త్రివిక్రమ్ సినిమా చేయబోతున్నాడని ఫిలిం నగర్ టాక్ నడుస్తోంది, అయితే ఇప్పటికే కథ వినిపించారట,అంతేకాదు ఈ చిత్రాన్ని హారిక అండ్ హాసిని క్రియేషన్స్ సంస్థ నిర్మించనుందని టాక్ నడుస్తోంది, ఇది రామ్ అభిమానులు విని సంతోషిస్తున్నారు.
