తెలంగాణ సీఎం రేవంత్ రెడ్డిని సీనియర్ హీరో విక్టరీ వెంకటేశ్( Victory Venkatesh), నిర్మాత దగ్గుబాటి సురేశ్ బాబు(Suresh Babu) కలిశారు. హైదరాబాద్ జూబ్లీహిల్స్‌లోని రేవంత్(Revanth Reddy) నివాసానికి వెళ్లిన దగ్గుబాటి సోదరులు మర్యాదపూర్వకంగా భేటీ అయ్యారు. గతేడాది డిసెంబర్‌లో రాష్ట్ర ముఖ్యమంత్రిగా బాధ్యతలు స్వీకరించిన రేవంత్‌కు పుష్పగుచ్ఛం అందించి శుభాకాంక్షలు తెలియజేశారు. ఈ సందర్భంగా ఆయనతో కాసేపు ముచ్చటించారు. ఇందుకు సంబంధించిన ఫొటోలు సోషల్ మీడియాలో వైరల్ అవుతున్నాయి.
అంతకుముందు మెగాస్టార్ చిరంజీవి, నందమూరి బాలకృష్ణ, అక్కినేని నాగార్జున కూడా రేవంత్ రెడ్డిని కలిసిన సంగతి తెలిసిందే. చిత్ర పరిశ్రమ అభివృద్ధి కాంగ్రెస్ ప్రభుత్వం సహకరించాలని ఈ సందర్భగా విజ్ఞప్తి చేశారు. మరోవైపు సినిమాటోగ్రఫీ మంత్రి కోమటిరెడ్డి వెంకటరెడ్డిని కూడా సినీ ప్రముఖులు మర్యాదపూర్వకంగా కలిశారు.
