టాలీవుడ్ యంగ్ హీరో విజయ్ దేవరకొండ(Vijay Devarakonda) తనకంటూ ప్రత్యేక స్టార్ డబ్ సంపాదించుకున్నాడు. తాజాగా ‘సాహిబా’ అనే మ్యూజిక్ ఆల్బమ్‌తో అలరించడానికి సిద్ధమయ్యాడు. ఈ ఆల్బమ్ కోసం రాధిక మదన్‌తో కలిసి విజయ్ దేవరకొండ స్క్రీన్ షేర్ చేసుకున్నాడు. ఈ ఆల్బమ్ ప్రమోషన్స్ కోసం విజయ్ ప్రస్తుతం ముంబైలో తిరుగుతున్నాడు. వరుస ఇంటర్వ్యూలతో దుమ్మురేగ్గొడుతున్నాడు. ఈ క్రమంలోనే ఓ కార్యక్రమం ముగించుకుని వస్తుండగా విజయ్ కాలుజారాడు. మెట్లు దిగుతుండగా కాలుజారి మెట్లపై పడిపోయాడు విజయ్. దీనికి సంబంధించిన వీడియో సోషల్ మీడియాలో తెగ వైరల్ అవుతోంది. విజయ్ పడిన వెంటనే కెమెరాలన్నీ కూడా విజయ్‌పైకి ఫోకస్ అయ్యాయి. దీంతో అక్కడి సిబ్బంది వీడియో తీయొద్దంటూ ఆపబోయారు. కానీ అప్పటికే అంతా రికార్డ్ అయిపోయింది. ప్రస్తుతం ఈ వీడియోను సోషల్ మీడియాను షేక్ చేస్తోంది.
ఇదిలా ఉంటే మ్యూజిక్ ఆల్బమ్‌లో పనిచేయడం విజయ్‌కి ఇదే తొలిసారి కాదు. గతంలో ‘నీ వెనకాలే నడిచి’ అనే పాట కోసం కూడా పనిచేశాడు. ఈ పాట 2018లో విడుదలై కుర్రకారును ఉర్రూతలూగించింది. ఇప్పుడు మళ్ళీ ‘సాహిబా’ కోసం సింగర్ జస్లిన్ రాయల్‌తో కలిసి పనిచేశాడు. గతంలో ‘హీరియే’ అనే పాట కోసం జస్లిన్ రాయల్, విజయ్(Vijay Devarakonda) కలిసి పనిచేశారు. ఆల్బమ్స్ సంగతిలా ఉంటే.. విజయ్ దేవరకొండ తన 12 సినిమా షూటింగ్‌లో ఫుల్ బిజీగా ఉన్నాడు. ఈ సినిమాకు గౌతమ్ తిన్నూరి డైరెక్ట్ చేస్తున్నారు. ఈ సినిమా వచ్చే ఏడాది విడుదలకు సిద్ధమవుతోంది.
Read Also: ‘తండేల్’ రిలీజ్ డేట్ ఫిక్స్.. ఇలా కూడా డిసైడ్ చేస్తారా..!
Follow Us On: Google News, Twitter, ShareChat
