ఏపీ సీఎం జగన్ జీవిత కథ ఆధారంగా ‘యాత్ర 2(Yatra 2)‘ సినిమా విడుదలైన సంగతి తెలిసిందే. రెండు నెలల క్రితం విడుదలైన ఈ మూవీ డిసెంట్ టాక్ తెచ్చుకుంది. ముఖ్యంగా వైసీపీ అభిమానులను విపరీతంగా ఆకట్టుకుంది. తండ్రి వైఎస్సార్ మరణం నుంచి ఏపీ ముఖ్యమంత్రిగా జగన్ ప్రమాణస్వీకారం చేసే వరకు జరిగిన ఘటనలు, సంఘటనలను ఈ సినిమాలో చూపించారు. ఇప్పుడీ చిత్రం సైలెంట్‌గా ఓటీటీలోకి వచ్చేసింది. ప్రముఖ ఓటీటీ ఫ్లాట్‌ఫాం అమెజాన్ ప్రైమ్(Amazon Prime) వీడియోలో స్ట్రీమింగ్ అవుతోంది.
తమిళ హీరో జీవా(Jiiva) జగన్ పాత్రలో నటించగా.. చంద్రబాబు పాత్రలో మహేష్ మంజ్రేకర్, సోనియాగాంధీ పాత్రలో సుజన్నే బెర్నార్ట్, వైఎస్ భారతి పాత్రలో కేతకి నారాయణ్‌ కనిపించారు. మహి వి. రాఘవ్ దర్శకత్వం వహించిన ఈ సినిమాను త్రీ ఆటమ్ లీవ్స్, వీ సెల్యూలాయిడ్ సంస్థలు సంయుక్తంగా నిర్మించగా.. సంతోష్‌ నారాయణన్‌ సంగీతం అందించారు. కాగా దివంగత ముఖ్యమంత్రి వైఎస్ రాజశేఖరరెడ్డి జీవిత చరిత్ర ఆధారంగా ‘యాత్ర’ చిత్రం తెరకెక్కిన సంగతి తెలిసిందే. 2019 ఎన్నికల సమయంలో విడుదలైన ఈ మూవీ మంచి విజయాన్ని అందుకుంది. ఇప్పుడు దీనికి సీక్వెల్‌గా వచ్చిన ‘యాత్ర 2(Yatra 2)’ కూడా అభిమానులను అలరించింది.
Read Also: లిక్కర్ స్కాంలో కవితకు మరో ఎదురుదెబ్బ.. సీబీఐ కస్టడీకి అనుమతి..
Follow us on: Google News, Koo, Twitter, ShareChat
