పశ్చిమ బెంగాల్‌(West Bengal)లో ఇవాళ ఘోర ప్రమాదం చోటు చేసుకుంది. రాష్ట్రంలోని నార్త్ 24 పరగణాల జిల్లాలోని ఓ బాణసంచా కర్మాగారంలో పేలుడు సంభవించింది. ఈ ఘటనలో ఏడుగురు ప్రాణాలు కోల్పోయినట్లు పోలీసులు తెలిపారు. పలువురు తీవ్రంగా గాయపడినట్లు వెల్లడించారు. పోలీసులు తెలిపిన వివరాలు ఇలా ఉన్నాయి. నార్త్ 24 పరగణా జిల్లాలోని దత్తపుకూర్‌లో ఫైర్ క్రాకర్స్ ఫ్యాక్టరీలో ఆదివారం ఉదయం పేలుడు సంభవించింది.
West Bengal | ఈ ప్రమాదంలో ఒక్కసారిగా మంటలు ఎగిసిపడ్డాయి. ప్రమాదం సమాచారం అందుకున్న వెంటనే ఫైర్ సిబ్బంది ఘటనా స్థలానికి చేరుకుని మంటలను అదుపులోకి తీసుకొచ్చారు. ఇక, ఈ ప్రమాదంలో ఏడుగురు మృతిచెందగా మరికొందరు గాయాలపాలయ్యారు. మరణాలు పెరిగే అవకాశం ఉన్నట్లు పోలీసులు చెబుతున్నారు. మరోవైపు.. బాణాసంచా తయారీ కేంద్రంలో పేలుడు ధాటికి చుట్టుపక్కల ఉన్న ఇళ్లు కూడా స్వల్పంగా దెబ్బతిన్నాయి.
Read Also: అమిత్ షా సభపై ఈటల రాజేందర్ ధీమా
Follow us on: Threads, Google News, Koo, Twitter, ShareChat
