మహారాష్ట్ర సీఎం అభ్యర్థిపై దాదాపు ఉత్కంఠ వీడింది. మహారాష్ట్రాకు ఫడ్నవీసే(Devendra Fadnavis) కాబోయే సీఎం అని ప్రచారం జరుగుతుండగా.. బీజేపీ అధిష్ఠానం కూడా అదే నిర్ణయానికి వచ్చిందని సన్నిహిత వర్గాల నుంచి అందుతున్న సమాచారం. ఈ నెల 5వ తేదీన మహారాష్ట్ర సీఎం ప్రమాణస్వీకార వేడుక జరగనుంది. ఈ క్రమంలోనే ఈరోజు ఆపద్ధర్మ సీఎం ఏక్‌నాథ్ షిండేను ఆయన నివాసంలో ఫడ్నవీస్ మర్యాదపూర్వకంగా కలిశారు. ఈ సమావేశంలో ప్రభుత్వ ఏర్పాటుకు సంబంధించి కీలక అంశాలపై వారు చర్చించినట్లు సమాచారం. సీఎం అభ్యర్థిపై ఇంకా అధికారికంగా క్లారిటీ రాకముందే వీరిద్దరు సమావేశం కావడం ప్రాధాన్యత సంతరించుకుంది.
ఇదిలా ఉంటే సీఎం అభ్యర్థి, ఇతర మంత్రిత్వ శాఖల కేటాయింపుల అంశంపై మహాయుతి కూటమిలో ప్రతిష్టంభన నెలకొని ఉంది. కాగా ఈ అంశాలపై తాజాగా మహాయుతి కూటమిలో ఒక క్లారిటీ వచ్చిందని తెలుస్తోంది. ఫడ్నవీస్(Devendra Fadnavis)ను సీఎంగా, షిండే(Eknath Shinde), పవార్‌లకు(Ajit Pawar) డిప్యూటీ సీఎంలుగా నియమించాలని కూటమి నిశ్చయించుకున్నట్లు సమాచారం. కాగా ఈ విషయంలో అధికారికంగా క్లారిటీ రావాలంటే డిసెంబర్ 5 వరకు ఆగాల్సిందే.
