ఒడిశా(Odisha)లో ఘోర రైలు ప్రమాదం చోటుచేసుకుంది. చెన్నై నుంచి హౌరా వెళ్తున్న కోరమాండల్‌ ఎక్స్‌ప్రెస్ ఆగివున్న గూడ్సు రైలును ఢీకొట్టింది. బాలేశ్వర్‌ జిల్లా బహనాగ్‌ రైల్వే స్టేషన్‌ సమీపంలో ఈ దుర్ఘటన జరిగింది. ఈ ప్రమాదంలో ఏడు బోగీలు బోల్తా పడ్డాయి. ఈ ఘటనలో సుమారు 50మంది ప్రయాణికులు మరణించి ఉండవచ్చని అంచనా వేస్తున్నారు. దాదాపు 300 మంది గాయాలపాలవగా పలువురి పరిస్థితి విషమంగా ఉన్నట్లు తెలుస్తోంది.
Odisha |సమాచారం అందుకున్న అధికారులు క్షతగాత్రులను సమీపంలోని ఆసుపత్రులకు తరలించి చికిత్స అందిస్తున్నారు. ఘటనా స్థలంలో సహాయక చర్యలు ముమ్మరంగా కొనసాగిస్తున్నారు. రాత్రి సమయం కావడంతో సహాయక చర్యలకు ఆటంకం కలుగుతోంది. బాలాసోర్ కు 40 కిలోమీటర్లు దూరంలో ఈ ఘటన సంభవించింది. బాలేశ్వర్‌లో ఎమర్జెన్సీ కంట్రోల్‌ రూమ్‌ను రైల్వే అధికారులు ఏర్పాటు చేశారు. బాధితుల సమాచారం కోసం ఎమర్జెన్సీ కంట్రోల్‌ రూమ్‌ నంబర్‌ 06782262286కు ఫోన్‌ చేయాలని అధికారులు తెలిపారు.
Read Also:
1. ఆఫీసుకు వస్తాడు కానీ.. డ్యూటీ చేయకుండా టాయిలెట్‌లోనే ఉంటాడు
2. కేసీఆర్ సర్కార్ కు RS ప్రవీణ్ కుమార్ స్ట్రాంగ్ వార్నింగ్
