కాంగ్రెస్ అగ్రనేత, రాజస్థాన్ ముఖ్యమంత్రి అశోక్ గెహ్లాట్(Ashok Gehlot) తీవ్ర అసహనానికి గురయ్యారు. మహిళలతో నిర్వహిస్తున్న ఓ కార్యక్రమంలో మైక్ సక్రమంగా పని చేయకపోవడంతో ఆగ్రహంతో ఊగిపోయి మైక్‌ను నేలకేసి కొట్టారు. ఈ వీడియో సామాజిక మాధ్యమాల్లో వైరల్ అవుతోంది. మహిళల కోసం ప్రభుత్వం అమలు చేస్తున్న వివిధ పథకాలపై సమీక్షించేందుకు సీఎం గెహ్లాట్.. బర్మర్ జిల్లాలో ఓ సమావేశాన్ని ఏర్పాటు చేశారు.
మహిళలతో మాట్లాడేందుకు గెహ్లాట్(Ashok Gehlot) ప్రయత్నించినపుడు ఆయన చేతిలో ఉన్న మైక్ పని చేయలేదు. దీంతో తీవ్ర అసహనానికి గురైన ఆయన ఎడమవైపునకు ఆ మైక్‌ను విసిరేశారు. అనంతరం కలెక్టర్ మరో మైక్‌ను గెహ్లాట్‌కు ఇచ్చారు. అయితే గెహ్లాట్ కలెక్టర్‌పైకి మైక్‌ను విసిరికొట్టారంటూ జరుగుతున్ ప్రచారాన్ని ముఖ్యమంత్రి కార్యాలయం తీవ్రంగా ఖండించింది. మైక్‌ను కలెక్టర్‌పైకి విసరలేదని.. పక్కన వేశారని వివరణ ఇచ్చింది.
Ashok Gehlot gets angry and throws Mike(not working) at an official pic.twitter.com/fa3d5Ea4h1
— Hemir Desai (@hemirdesai) June 3, 2023
