PM Modi Karnataka Roadshow: ప్రధాని మోడీ రోడ్డు షో లో భద్రతా వైఫల్యం కనిపించింది. ఓ యువకుడు ఒక్కసారిగా కాన్వాయ్ మధ్యకు దూసుకురావడంతో కలకలం రేగింది. సెక్యూరిటీని తోసుకుంటూ వచ్చి మోడీకి పూలమాల వేసేందుకు ప్రయత్నించడంతో అంతా ఖంగుతిన్నారు. అప్రమత్తమైన అధికారులు వెంటనే అతనిని అదుపులోకి తీసుకున్నారు. పూర్తి సమాచారం తెలియాల్సి ఉంది. కాగా, మరోసారి మోడీ భద్రతా వైఫల్యం పై దేశవ్యాప్తంగా విమర్శలు వెల్లువెత్తుతున్నాయి.
యువకుడు మోడీ(PM Modi)కి సమీపంగా వచ్చే వరకు భద్రతా దళాలు ఏం చేస్తున్నాయని బీజేపీ శ్రేణులు ప్రశ్నిస్తున్నాయి. గతేడాది పంజాబ్ లో ఎన్నికల ర్యాలీలో పాల్గొనేందుకు భటిండా నుంచి ఫిరోజ్ పూర్ కు రోడ్డు మార్గంలో వెళ్తుండగా.. మార్గ మధ్యలో రైతుల నిరసనలతో ఓ బ్రిడ్జిపై పీఎం కాన్వాయ్ అరగంట సేపు ఆగిపోయింది. ఆ ఘటనతో ప్రధానమంత్రి భద్రత విషయంలో అప్పటి పంజాబ్ లోని కాంగ్రెస్ ప్రభుత్వంపై విమర్శలు వచ్చాయి.
#WATCH | Karnataka: A young man breaches security cover of PM Modi to give him a garland, pulled away by security personnel, during his roadshow in Hubballi.
(Source: DD) pic.twitter.com/NRK22vn23S
— ANI (@ANI) January 12, 2023
