2002 గుజరాత్ లో జరిగిన గోద్రా అల్లర్ల తర్వాత గర్భిణిగా ఉన్న బిల్కిస్ బానో(Bilkis Bano Case) పై జరిగిన సామూహిక అత్యాచార ఉదంతం దేశవ్యాప్తంగా సంచలనం అయింది. ఈ ఘటనలో తన కడుపులో ఉన్న బిడ్డతో సహా ఏడుగురు కుటుంబీకులను బిల్కిస్ కోల్పోయింది. కాగా, ఈ కేసులో జైలు శిక్ష అనుభవిస్తున్న 11 మంది నిందితులను గుజరాత్ ప్రభుత్వం సత్ప్రవర్తన కారణంగా గతేడాది ఆగస్టు 15 న విడుదల చేసింది.
- Advertisement -
జీవిత ఖైదు అనుభవిస్తున్న నిందితులను ముందుగానే విడుదల చేయడాన్ని సవాల్ చేస్తూ బిల్కిస్ బానో(Bilkis Bano Case) సుప్రీం కోర్టులో రిట్ పిటిషన్ వేశారు. ఈ పిటిషన్ పై గత కొంతకాలంగా సుప్రీంకోర్టులో విచారణ జరుగుతోంది. కాగా ఈ కేసులో సోమవారం జరిగిన విచారణ అనంతరం.. తుది వాదనలు ఆగస్టు 7న వింటామని అత్యున్నత న్యాయస్థానం తెలిపింది.
