పామునులను చూస్తేనే కొందరు భయపడి పరుగులు తీస్తారు.. అలాంటిది ఒక వ్యక్తి షర్టులోకి ఏకంగా ఆరు అడుగుల బుసలు కొట్టే నాగుపాము దూరితే ఎలా ఉంటుంది. గుండె ధడేల్ మంటుంది. ఈ ఘటనకు సంబంధించిన వీడియో సోషల్ మీడియాలో వైరల్(Viral Video)గా మారింది. వారి సంభాషణ ప్రకారం ఈ ఘటన నార్త్ ఇండియాలో జరిగినట్లుగా తెలుస్తోంది. ఓ వ్యక్తి చెట్టు కింద పడుకున్నాడు. ఈ క్రమంలో నాగుపాము ఆ వ్యక్తి షర్టు లోపలికి వెళ్లింది. ఇది గమనించిన వ్యక్తి భయంతో వణికిపోతాడు. అతను కదలకుండా అలాగే కూర్చుని ఉండిపోతాడు.
అతని చొక్కా ఒకటి బటన్‌లు తెరిచి ఉండటంతో నాగుపాము తన తలను బయటకు పెట్టి చూస్తుంది. ఈ క్రమంలో గమనించిన కొందరు వ్యక్తులు అతడిని పాము నుంచి కాపాడే ప్రయత్నం చేశారు. చిన్నగా అతని షర్ట్ గుండీలు విప్పి.. తోక భాగం నుంచి బయటకు లాగారు. దీంతో అతను అక్కడి నుంచి వెంటనే ఊపిరి పిల్చుకోని లేస్తాడు, పాము మాత్రం అక్కడే నేలపై బుసలు కొడుతూ ఉంటుంది. ఈ ఘటనలో భాదితునికి ఎలాంటి గాయాలు కాలేదు. ఎక్కడ జరిగిందనే వివరాలు తెలియరాలేదు. సోషల్ మీడియాలో వైరల్(Viral Video) కావడంతో నెటిజన్లు కామెంట్స్ చేస్తున్నారు.
అతని ప్లేసులో నేనుంటే జస్ట్ రెండు కారణాలతో చాలా ఈజీగా చచ్చిపోతాను.
మొదటిది.. "షర్ట్‌లో పాముంది" అని అర్థమవగానే
రెండు.. "ఆ పాము బుసలు" వినబడగానే!
వేరే ముచ్చటే లేదు ? pic.twitter.com/O4vkiKCksm— Think!! (@27stories_) July 27, 2023
