అయోధ్యలో రామమందిరం కోసం ఓ భారీ గంట తయారు చేశారు, తాజాగా అయోధ్యకు ఈ భారీ గంట చేరుకుంది, తమిళనాడులోని రామేశ్వరం నుండి ప్రారంభించిన రామ రథయాత్ర తో దీనిని అయోధ్యకు తీసుకువచ్చారు.
613 కేజీల భారీ గంట 4,555 కిలోమీటర్లు ప్రయాణం చేసి చివరకు అయోధ్యకు చేరుకుంది. 4.13 అడుగుల పొడవు, 3.9 అడుగుల వెడల్పుతో సీతా, రామ, లక్ష్మణ, హనుమంతుడు వినాయకుడి ప్రతిమలతో, జైశ్రీరామ్ అక్షరాలు రాసి ఉంది ఈ గంటపై, అంతేకాదు ఈ గంట మోగిస్తే దీని ప్రతిధ్వని 8 నుండి 10 కిలోమీటర్ల వరకు వస్తుంది.
మనం ఆలయంలో గంటను మోగిస్తే టంగ్, టంగ్ అంటూ శబ్దం వస్తుంది. కానీ ఈ గంట మోగిస్తే ఓంకారం ప్రతిధ్వనిస్తుంది. ఇక రాముడి ఆలయం పూర్తి అయిన తర్వాత ఈ గంటని గుడిలో అమర్చుతారు . ఇక ఈ గంటని చూసేందుకు అక్కడకు చాలా మంది స్ధానికులు వస్తున్నారు, ఇంత పెద్ద గంట ఎక్కడా లేదు అంటున్నారు, దీని కోసం భారీ క్రేనులు తెప్పించారు.
