ప్రపంచంలో అత్యంత ప్రతిష్టాత్మకమైన అవార్డు నోబెల్ అవార్డు, అయితే ఈ అవార్డు ఎక్కడో కొందరికి మాత్రమే వస్తుంది, ఆయా రంగాల్లో విశేష కృషి చేసిన వారికి ఇస్తారు, మెడిసిన్, ఫిజిక్స్, కెమిస్ట్రీ, సాహిత్యం, శాంతి, ఆర్థిక శాస్త్ర రంగాలలో నిష్ణాతులకి ఈ అవార్డు ఇస్తారు.
అయితే ఈ ఏడాది నుంచి ఈ అవార్డు వారికి ఇచ్చే నగదు భారీగా పెంచారు, దాదాపు
9 నుండి 10 మిలియన్ స్వీడిష్ క్రోనర్ అంటే 1.1 మిలియన్ డాలర్లు ఇస్తాము అని నోబెల్ ఫౌండేషన్ తెలిపింది.
ఈఏడాది వచ్చే నెల అక్టోబర్ 5 నుంచి మెడిసిన్, ఫిజిక్స్, కెమిస్ట్రీ, సాహిత్యం, శాంతి, ఆర్థిక శాస్త్ర రంగాలలో ఈ ఏడాది బహుమతులు అందిస్తారు, అయితే ఈసారి మార్కెట్ పనితీరు, సొంత ఆస్తి నిర్వహణ నుండి మంచి ఫలితాలు వచ్చాయి అందుకే ఈ నగదు పెంచారు.మూలధనం మూడు బిలియన్ల క్రోనర్ నుండి 4.6 బిలియన్లకు పెరిగింది.
అయితే ఈసారి ఈ అవార్డులు ప్రధానోత్సవం స్టాక్హోమ్లో జరగదు కరోనా కారణంగా దీనిని రద్దు చేశారు.. టెలివిజన్ ఈవెంట్ ద్వారా గ్రహీతలు తమ స్వదేశాలలో బహుమతులు అందుకోనున్నట్లు నోబెల్ ఫౌండేషన్ ప్రకటించింది.
