ఏపీ నిరుద్యోగులకు శుభవార్త. ఇటీవ‌లే ఇచ్చిన గ్రూప్‌-4 ఉద్యోగాల దరఖాస్తు గడువు ముగియ‌నుండ‌గా.. మ‌రికొంత స‌మ‌యం కావాల‌ని నిరుద్యోగుల నుంచి పెద్ద ఎత్తున విన‌తులు వ‌చ్చాయి. ఏ నేపథ్యంలో ఏపీపీఎస్సీ కీలక నిర్ణయం తీసుకుంది.
అభ్య‌ర్థులు విజ్ఞ‌ప్తి చేయ‌డంతో నేటితో ముగియాల్సిన గ‌డువును మరోసారి పెంచింది. దీంతో రెవెన్యూ డిపార్టుమెంట్‌లోని జూనియర్ అసిస్టెంట్ కమ్ కంప్యూటర్ అసిస్టెంట్ పోస్టులకు ఆన్‌లైన్‌లో దరఖాస్తు చేసుకోవచ్చు. గ్రూప్‌-4 ఉద్యోగాల దరఖాస్తు గ‌డువును ఇప్ప‌టి వ‌ర‌కు రెండు సార్లు పెంచింది ఏపిపిఎస్పీ. తొలుత ఇచ్చిన నోటిఫికేష‌న్ ప్ర‌కారం జ‌న‌వ‌రి 19న ద‌ర‌ఖాస్తుకు చివ‌రి తేదీ కాగా..దాన్ని జ‌న‌వ‌రి 29 వ‌ర‌కు పెంచారు.
మరోసారి నిరుద్యోగుల నుంచి వ‌చ్చిన విజ్ఞ‌ప్తుల మేర‌కు తాజాగా ఫిబ్ర‌వ‌రి 6 వ‌ర‌కు పెంచుతూ నిర్ణయం తీసుకుంది ఏపీపీఎస్సీ. నిరుద్యోగ అభ్యర్ధులు ఆయా పోస్టులకు ఏపీపీఎస్సీ అధికారిక వెబ్‌సైట్ https://psc.ap.gov.in దరఖాస్తు చేసుకోవచ్చు. 18 నుంచి 42 ఏళ్లలోపు వయసున్న అభ్యర్ధులు అర్హులు. మొత్తం 670 పోస్టులను భ‌ర్తీ చేయ‌నున్నారు.
