రేషన్ దుకాణాల్లో బయోమెట్రిక్ విధానాన్ని ఆపేశారు. తాజాగా ఇలాంటి అవసరం లేకుండా ఓ కొత్త పద్దతి తీసుకువచ్చారు, ఇక రేషన్ కార్డు ఉన్న వారు మీ మొబైల్ తీసుకువెళితే చాలు మీ నెంబర్ కు ఓటీపీ వస్తుంది.. అది చెబితే మీకు నేరుగా సరుకులు ఇవ్వడం జరుగుతుంది.
- Advertisement -
కరోనా వైరస్ వ్యాప్తి కట్టడిలో భాగంగా వచ్చే ఫిబ్రవరి నుంచి ఓటీపీ పద్ధతిని పకడ్బందీగా అమలు చేసేందుకు పౌరసరఫరాల శాఖ చర్యలు చేపట్టింది. ఇక మీరు ఆధార్ మీ రేషన్ కార్డు మొబైల్ నెంబర్ లింక్ అయిందో లేదో చూసుకోండి, లేకపోతే ఈసేవాలో చేయించుకోవచ్చు.
మీరు రేషన్ సరుకులకి వెళ్లిన సమయంలో డీలర్కు మీ రేషన్ కార్డుకు సంబంధించిన నాలుగు చివరి నంబర్లు చెప్పాలి. ఈ-పాస్ యంత్రంపై కార్డు నంబర్లు ఎంటర్ చేస్తే సంబంధిత రిజిస్టర్డ్ మొబైల్కు ఓటీపీ వస్తుంది. మీరు ఆ ఓటీపీ చెప్పగా రేషన్ ఇవ్వడం జరుగుతుంది.
