ఉత్తర్ప్రదేశ్ బీజీపీలో రాజీనామాల పర్వం కొనసాగుతోంది. కేబినెట్ నుంచి సీనియర్ నేత స్వామిప్రసాద్ మౌర్య తప్పుకున్న కొన్ని గంటలకే ఇప్పుడు మరో మంత్రి రాజీనామా బాట పట్టారు. పర్యావరణ శాఖ మంత్రి ధారా సింగ్ చౌహాన్ కూడా పదవికి రాజీనామా చేస్తున్నట్లు బుధవారం ప్రకటించారు. మరికొద్ది రోజుల్లో యూపీ ఎన్నికలు జరుగుతాయనగా అక్కడి భాజపా ప్రభుత్వానికి వరుస షాక్లు తగులుతున్నాయి. మంగళవారం.. మాజీ మంత్రి స్వామిప్రసాద్ మౌర్య సహా మరో ముగ్గురు ఎమ్మెల్యేలు భాజపాను వీడిన సంగతి తెలిసిందే.
