కరోనా మహమ్మారి తగ్గుముఖం పట్టడంతో భక్తులు కలియుగ ప్రత్యక్ష దైవంగా కొలవబడుతున్న తిరుమలలోని శ్రీ వేంకటేశ్వర స్వామి దర్శనానికి దేశవిదేశాల నుండి భక్తులు అధికసంఖ్యలో తండోపతండాలుగా తరలివస్తున్నారు. దాంతో తిరుమల పరిసరప్రాంతాల్లో ఉండే కాంప్లెక్స్‌లు నిండిపోయి భక్తులు తీవ్ర ఇబ్బందులు పడుతున్నారు.
దీన్ని దృష్టిలో పెట్టుకొని భక్తులకు అన్నప్రసాదం, తాగు నీరు, చంటి పిల్లల కోసం పాలు ఇవ్వడం వంటి ఆర్థిక సహాయాలు చేస్తూ కొంత మేరకు ఆదుకుంటున్నారు. ఇంకా క్రమక్రమంగా భక్తుల సంఖ్య అధికంగా పెరుగుతుండడంతో దర్శనానికి బారులు తీరారు. దర్శనానికి 12 గంటల సమయం పడుతుండడంతో భక్తులు తీవ్ర ఇబ్బందులు ఎదుర్కుంటున్నారు.
శనివారం స్వామివారిని 87,698 మంది భక్తులు దర్శించుకోగా 48,804 మంది భక్తులు తలనీలాలు సమర్పించుకున్నారు. భక్తులు సమర్పించుకున్న కానుకల ద్వారా రూ. 3.88 హుండీకి ఆదాయం వచ్చిందని టీటీడీ వర్గాలు వెల్లడిస్తున్నాయి. ఇంకా రానున్న రోజుల్లో భక్తుల సంఖ్య ఏ రేంజ్ లో పెరుగుతుందో చూడాలి మరి..!
